Хаартыска: СИА
Суукка иһигэр уоту бохсооччулар күүстэринэн 114 гектар иэннээх сиргэ 9 ойуур баһаара умуруорулунна уонна 315 гектар иэннээх сиргэ 28 ландшафтнай баһаар. Космическай уонна авиационнай кэтээн көрүү түмүгүнэн, 97 гектар сиргэ 10 саҥа ойуур баһаара уонна 186 гектар сиргэ 14 ландшафтнай баһаар булулунна.
Суукка саҕаланыытыгар 8 ойуур баһаара 6 493 гектар иэннээх сиргэ турбут: 5 – Дьааҥыга, 3 — Эбээн- Бытантайга. Ону тэҥэ 41 ландшафтнай баһаар 820 га иэнээх сиргэ регистрацияламмыт: 18 –Дьааҥыга, 4 – Өлүөхүмэҕэ уонна Дьокуускай куоракка, 3 — Нам, Муома оройуоннарыгар, 2 — Бүлүү , Хаҥалас, Эбээн- ытантай оройуоннарыгар, 1 — Горнай, Кэбээйи, Мэҥэ Хаҥалас оройуоннарыгар. Баһаары умуруорууга 99 киһи тардылынна уонна 5 тиэхиньикэ кытынна.
СӨ кылаабынай лесничэйэ Андрей Коноплев иһитиннэрбитинэн, баһаарынай сезон саҕаланыаҕыттан 12 тыһыынчаттан тахса гектар иэннээх сиргэ 40 ойуур баһаара регистрацияламмыт уонна 1,5 тыһыынча гектар иэннээх сиргэ 104 ландшафтнай баһаар. Баһаар төрүөтэ — киһи.
«Баһаар төрүөтэ — киһи. Ойуурга сэрэхтээх буолуҥ. Иннибитигэр бырааһынньыктааҕы өрөбүллэр күүтэллэр. Үгүстэр айылҕаҕа сынньаныахтара. Айылҕаҕа сынньанаргытыгар кутаа уотун умуллара, бөҕү-сыыһы хомуйа сылдьыҥ. Баһаар тахсыбыт түбэлтэтигэр ойуур харыстабылын итии лииньийэтигэр эрийиҥ: 88001009400. Эбэтэр Дьокуускай куорат РДС төлөпүөнүгэр: 447726, ону тэҥэ 112 нүөмэргэ», — диэтэ Андрей Коноплев.
Сезон саҕаланыаҕыттан барыта 95 айылҕа баһаарын умуруорбуттар. Дьааҥыга ураты баһаарынай эрэсиим биллэриллибитэ, ыам ыйын 6 күнүттэн муниципальнай таһымнаах ЫБМ эрэсиимэ олохтоммута.
Аҕа дойду Улуу сэриитигэр Кыайыы 80 сылыгар аналлаах маассабай тэрээһиннэринэн сибээстээн, Дьокуускайга ыам ыйын 8-9…
«Мамаев курган. Подвиг артиллериста» киинэ анал көрдөрүүтэ «Якутия 24» телеханаалга ыам ыйын 8 күнүгэр киэһэ…
Ыам ыйын 7 күнүгэр Дьокуускайга Улуу Кыайыы 80 сылын көрсө бырааһынньыктааҕы автопробег буолан ааста. Ааспыт…
Бу күннэргэ сааскы сылаас күннэр турбуттарынан саас кэлиитэ 3-4 суукка иннинэ эрдэлээн иһэр. Покровскай —…
Дойду Үөрэҕириитин миниистирэ Сергей Кравцов Саха Өрөспүүбүлүкэтигэр оробуочай сырыытын кэмигэр Ил Дархан Айсен Николаевы кытта…
"Саха" НКИХ дириэктэрэ, Ил Түмэн дьокутаата «СӨ Суруналыыстарын сойууһа» эрэгийиэннээҕи уопсастыбаннай тэрилтэ бэрэссэдээтэлэ Олег Марков…