Сууккаҕа биир ойуур баһаарын умуруордулар

Саха сиригэр 22 га иэннээх сиргэ тахсыбыт ойуур баһаарын баһаарынайдар суукка иһигэр умуруордулар. Бүгүҥҥү күҥҥэ өрөспүүбүлүкэҕэ буола турар ойуур баһаара суох, диэн СӨ Экология уонна ойуур хаһаайыстыбатын миниистирин солбуйааччыта Андрей Коноплев иһитиннэрдэ.

Баһаартан сэрэхтэх буолуу сезона саҕаланыаҕыттан өрөспүүбүлүкэҕэ 243 айылҕа баһаара, олортон 24 тыһыынча гектардаах  76  ойуур уонна  5,4 гектардаах 167 ландшафнай баһаардар буолаллар. Уопсайа 240 баһаар авиация уонна тиэхиньикэ көмөтүнэн умуруоруллубут, онтон үс баһаар ардах көмөтүнэн тохтообут.

Баһаары утары суһал ЫБМ эрэсиимэ Дьааҥы уонна Дьокуускай ороуоннарыгар үлэлиир. Баһаартан сэрэхтээх буолуу сезона өрөспүүбүлүкэҕэ ыам ыйын 1 күнүттэн саҕаламмыта.