Хаартыска: Галина Мозолевская, СИА.
Ааспыт сууккаҕа 105 тыһ. га тахса иэннээх 8 ойуур баһаарын умуруордулар: Алдан — 3, Дьааҥы — 1, Бүлүү — 1, Кэбээйи — 1, Мииринэй — 1, Нерюнгри – 1 улуустарыгар. Бу туһунан Авиалесоохрана начаалынньыга Владимир Леонов бүгүҥҥү брифиҥҥэ иһитиннэрдэ.
Ону кытта 3 тыһ. га иэннээх 4 айылҕа уонна 5 ойуур баһаардарын булбуттар. Уоту кытта охсуһааччылар Үөһээ Бүлүү, Бүлүү, Горнай, Ньурба, Өлүөхүмэ, Сунтаар улуустарыгар 49 тыһ. га тахса иэннээх 8 ойуур баһаарын умуруордулар.
Суукка саҕаланыыта өрөспүүбүлүкэ 14 улууһугар барыта 66 ойуур баһаара баара бэлиэтэнэр: Абый, Үөһээ Бүлүү, Дьааҥы, Бүлүү, Горнай, Эдьигээн, Кэбээйи, Ленскэй, Мииринэй, Ньурба, Өлүөхүмэ, Орто Халыма, Сунтаар уонна Усуйаана.
Баһаары умуруорууга барыта 1 680 киһи, 166 тиэхиньикэ үлэлиир.
Баһаар саҕаланыаҕыттан 2 399 783,91 га иэннээх 849 ойуур баһаарын умуруордулар.
Субъект сиригэр-уотугар федеральнай уонна эрэгийиэн ойуурдарыгар ыксаллаах быһыы-майгы эрэсиимэ салгыы үлэлиир. Бүлүү, Дьааҥы, Үөһээ Бүлүү, Горнай, Кэбээйи, Сунтаар уонна Өлүөхүмэ улуустарыгар биллэриллибитэ.
Ил Дархан уонна Бырабыыталыстыба пресс-сулууспата.
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…