Суут бириистэбэ федеральнай көрдөөһүҥҥэ сылдьар буруйдааҕы туппут

Силиэстийэттэн эбэтэр сууттан саһар дьону көрдөөһүҥҥэ көмөлөһөр дьаһаллар чэрчитинэн, Дьокуускай куораттааҕы сууттар үлэлэрин олохтоммут бэрээдэгин хааччыйар анал отделениетын суутунан олохтоммут бэрээдэги хааччыйар бириистэбэ РФ Холуобунай кодексатын 337-с ыстатыйатын 5-с чааһыгар олоҕуран буруйданар киһи ханна баарын быһааран туппут. Бу туһунан Суут бириистэптэрин Саха сиринээҕи управлениетын пресс-сулууспата иһитиннэрэр.

Силиэстийэҕэ биллибитинэн, көрдөөһүҥҥэ сылдьар киһи байыаннай силиэстийэлиир управление уурааҕынан федеральнай көрдөөһүҥҥэ биллэриллибит эбит. Ыытыллыбыт дьаһаллар түмүктэригэр, сулууспа үлэһитэ буруйдаах ханна баарын кэмигэр быһааран, боломуочуйалаах уорганнарга туттарыар диэри хаайан олордубут. Суут бириистэптэрин Саха сиринээҕи управлениета сокуонунан олохтоммут эппиэтинэстэн куотунар дьону көрдүүр уонна тутар сыалтан быраабы араҥаччылыыр уорганнары кытта бииргэ үлэтин салгыыр.