Суут бириистэптэрэ кирэдьииккэ ордук иэстээх эр киһи мэтириэтин ойуулаатылар

Дойду үрдүнэн кирэдьиит иэстэринэн көрүллэр дьыалалар атыттары лаппа куоһарар диэн суут бириистэптэрэ быһаардылар. Ону таһынан РФ кылаабынай суут бириистэбэ Дмитрий Аристов ордук кирэдьииккэ иэстээх эр киһи мэтириэтин ойуулаата.

Баар чахчыларынан сиэттэрэн, кини иэстээх киһи мэтириэтин оҥордо. Үксүгэр кинилэр 30-тан 45-гэр диэри саастаах эр дьон буолаллар. Быраактыка көрдөрөрүнэн, кэргэннээхтэр уонна биир оҕолоохтор. Иэстээх дьон үксүн улахан куораттарынан эбэтэр элбэх нэһилиэнньэлээх нэһилиэктэринэн олороллор. Иэстэрин сууматын орто кээмэйэ — 121,3 тыһ. солк. тэҥнэһэр.

«Онуоха официальнай дохуоттара суох. 300 тыһ. солк. үөһэ сыаналаах регистрацияламмыт массыыналаахтар, сорохтор бас билиигэ олорор дьиэлээхтэр», — диэн ФССП баһылыга кэпсээтэ. Бу туһунан ria.ru. суруйар.

Маннык гражданнар үксүн загранпааспара суохтар, мобильнай сибээһинэн уонна Судаарыстыбаннай өҥө сиэрбиһинэн туһаналлар эбит.