Суут бириистэптэрэ Lexus RX300 массыынаны былдьаатылар

Саха сиригэр суут бириистэптэрэ нолуокка иэһи ирдиир үлэлэрин  чэрчитинэн Lexus RX300 массыынаны былдьаатылар.

Иэстээх киһи өр кэм устата нолуогу төлүүртэн куоппут, ол түмүгэр биир мөлүйүөн курдук иэс үөскээбит. Ону таһынан кини  кирэдьииккэ эбээһинэстээх, иэһин уопсай суумата 1,9 мөлүйүөн кэриҥэ буолбут.

Суут бириистэптэрин Уус Алдан улууһунааҕы отделениетын үлэһиттэрэ туһааннаах  дьаһаллары ыллылар: иэстээх киһини хаста да ыҥыран кэпсэттилэр, кини дойду тас өттүгэр тахсара быстах кэмҥэ хааччахтанарын, харчытыттан тутар  уо.д.а.  туһунан уурааҕы ылыннылар. Көрдөбүлгэ сылдьар тырааныспарын булан былдьаатылар уонна ырыынагы сыаналыыр исписэлиискэ тириэртилэр.

Иэстээх киһи иэһин төлүүргэ ханнык да дьаһаллары ылбатаҕына, тырааныспары эргитиигэ ыытарга күһэллиэхтэрэ.

УФССП пресс-сулууспата