Суут бириистэптэрин ирдэбилинэн эр киһи 2 мөлүйүөн солк. суумалаах алимены уу харчынан төлөөтө

Саха сиринээҕи Суут бириистэптэрин управлениетын отделениетыгар 42 саастаах эр киһи икки кыыһыгар алимены төлөөбөккө холуобунай дьыалата көрүлүннэ.

Бириистэптэр быһаарыыларынан, 42 саастаах Дьокуускай олохтооҕо официальнайдык ханна да үлэлээбэтэх. Быстах үлэлэргэ тардыллан хамнастаммыт уонна киирбит дохуотуттан 1/3 харчыны төлүүр туһунан суут уурааҕын утарбыт, оҕолоругар ыйга 2-лии тыһыынча солкуобай ыытар эбит. Итинэн сибээстээн улахан суумаҕа иэс мунньуллубут.

Эр киһи алимены хас да төгүл төлөөбөтөҕүнэн холуобунай дьыала тэриллибит. Ол эрэн, суут бириистэптэрин отделениетыгар холуобунай дьыала тэриллибитин кэнниттэн эр киһи 2 мөл. солк. сууманы оҕолор ийэтигэр уу харчынан туттарбыт. Билиҥҥи кэмҥэ холуобунай дьыаланы тохтотуу боппуруоһа быһаарыллар, диэн Саха сиринээҕи Суут бириистэптэрин управлениетын пресс-сулууспата суруйар.