Хаартыска: СИА
Ленскэй оройуонун суута чааһынай урбаанньыты РФ Административнай быраабы кэһиитин туһунан кодексатын 6.6 ыстатыйатынан административнай быраабы кэһиини оҥорбутугар буруйдааҕынан билиннэ уонна үлэтин 30 сууккаҕа тохтотто.
От ыйын 17 күнүгэр Ленскэй оройуонун борокуратуурата Роспотребнадзор Саха сиринээҕи управлениетын Ленскэйдээҕи оройуоннааҕы исписэлииһин кытыннаран, Ленскэй куорат кафе дьиэтигэр санитарнай-эпидемиологическай этэҥҥэ буолуу эйгэтигэр сокуон ирдэбиллэрэ тутуһуллуутун миэстэтигэр тахсан бэрэбиэркэлээбитэ.
Кафены бэрэбиэркэлиир кэмҥэ Сүрүн судаарыстыбаннай санитарнай бырааһын 27.10.2020 сыллааҕы № 32-дээх курааҕын уонна «Нэһилиэнньэни уопсастыбаннай аһылыгынан хааччыйыыны тэрийиигэ санитарнай-эпидемиологическай ирдэбиллэр» диэн 2.3/2.4.3590-20 СанПиН нуормаларын утарар кэһиилэр тахсыбыттыра көһүннүлэр.
Бу кэһиилэр чааһынай урбаанньыт санитарнай нуормалары уонна быраабылалары тутуспата улахан кутталлааҕын, ол түмүгэр быһаарыллыбатах ахсааннаах дьон олоҕор уонна доруобуйатыгар хоромньуну оҥорор дьиҥнээх куттал баарын туоһулууллар.
Ленскэй оройуонун борокуруорун солбуйааччытын уурааҕынан чааһынай урбаанньыкка сыһыаннаан, РФ АпкК 6.6 ыстатыйатынан көрүллүбүт административнай быраабы кэһии туһунан дьыала тэрилиннэ. Дьыаланы көрүү түмүгүнэн суут, таһаарыллыбыт кэһиилэр таһымнарын уонна кээмэйдэрин, ону туоратар дьаһаллар толору ылыллыбыттарын туһунан дакаастабыл суоҕун, кэһиилэри кылгас кэм иһигэр туоратар кыаллыбатын, ону таһынан сымнаҕас накаастабыл сыалын ситиһэри хааччыйбатын учуоттаан, кафе үлэтин 30 сууккаҕа тохтотор хааччаҕы туһанары наадалааҕынан аахта. Бу быһаарыы тутатына толоруллуохтаах. Суут уурааҕа сокуоннай күүһүгэр киирэ илик, — диэн Саха сиринээҕи суудтарын холбоһуктаах пресс-сулууспата иһитиннэрэр.
Кинигэни таптааччылар 1-кы бэстибээлин кыттааччылара да, көрө кэлбит дьон да олус сөбүлээтилэр. Любовь Горохова-Матвеева (Сүүмэх)…
Субуотаҕа, атырдьах ыйын 9 күнүгэр, түүн алта планета параадын кытта сөп түбэһэр сэдэх астрономическай көстүү…
Аан дойдутааҕы кинигэни таптааччылар күннэрин чэрчитинэн бүгүн Эргэ куоракка аан бастаан кинигэни таптааччылар 1-кы бэстибээллэрэ…
…Төһө да ардахтаах күн буоллар, Сардаана бэркэ сэргэхсийэн турда. Бүгүҥҥү былаана үгүс, онон үөрэ-көтө сарсыардаттан…
Физкультурник күнүн көрсө Нам улууһун Түбэ нэһилиэгэр саха ааттаах-суоллаах күрэсчитэ, «Дыгын оонньууларын» 6 төгүллээх кыайыылааҕа Николай…
«Кыталык» судаарыстыбаннай эркээйи сиргэ орнитологтар кубалаах хаас сэргэх сыһыаннаһыыларын туоһулара буоллулар. Мария Владимирцева уонна Айгуль…