Хаартыска: pxhere.com/ru/photo
Былырыын сайын Нерюнгри олохтооҕо лоджиятыгар өрөмүөн оҥорторорго быһаарыммыт. Дьахтар маастары булан өрөмүөн туһунан кэпсэппиттэр. Эппиэттээччи эргэ ааны ылан быраҕыахтаах, эркинигэр сылааһы тутар матырыйаалы олордуохтаах, муостатыгар сылытар систиэмэни туруоруохтаах, эркинин обуойдуохтаах уонна лоджия муостатыгар линолеум тэлгиэхтээх эбит.
Маҥнай маастар өҥөтүн 50 000 солк. сыаналаабыт, сакаастааччы уоппускаҕа барыар диэри нэдиэлэ иһинэн үлэни барытын бүтэриэм диэн эрэннэрбит. Хайаҕаһы көтүрэн баран толорооччу уопсай сууматын 90 000 солк. диэри үрдэппит. Дьахтар сөбүлэһэн харчытын барытын ыыппыт. Ол эрээри, нэдиэлэ кэнниттэн үлэ бүппэтэх, “сылаас муоста” холбоммотох, радиатор туруоруллубатах. Үлэ толоруллубутун кэннэ итэҕэстээҕэ-быһаҕастааҕа биллибит. Эппиэттээччи ситэри оҥоруом диэн эрэннэрэн баран толорботоҕун иһин, сакаасчыт уоппускаҕа баран кэлбитим кэннэ үлэни оҥороргун мэктиэлиир быһыынан төлөммүт суума чааһын төнүннэр диэбитин, эр киһи аккаастаммыт.
Дьахтар суукка буортуламмыт матырыйаалы киллэрэн туран үлэ хаачыстыбата суох оҥоһуллубут сууматын 75 000 солк., ону тэҥэ, 108 900 солк. кээмэйдээх отуойкатын төлүүргэ үҥсүү түһэрбит.
Эппиэттээччи үлэ болдьоҕор уонна хаачыстыбалаахтык оҥоһуллубута, дьахтар итэҕэһи туоратартан бэйэтэ аккаастаммыта диэн ирдэбили билиммэтэх.
Эспэртиисэ ыытыллыбыт. Ол түмүгэр өҥө толору оҥоһуллубатаҕа быһаарыллыбыт. Онон хоромньуну таһынан хаачыстыбата суох өрөмүөнү туоратыы ороскуотун эмиэ туппуттар. Бу туһунан СӨ Үрдүкү суутун пресс-сулууспата суруйар.
14 саастарын туола илик оҕолор Арассыыйаттан тахсалларыгар кыраныысса таһынааҕы пааспардаах буолаллара ирдэнэр -- 2026 сыл…
Аҕам саастаахтар күннэригэр Куокуй нэһилиэгэр аҕам саастаахтар декадалара үөрүүлээхтик арылынна. [gallery ids="245435,245436,245437,245438"] Баһылык Лев Павлов…
Күһүн кыстыкка киириигэ оҕо ыалдьыа суохтаах диэн этэллэр. Ол эрээри, субу оҕо саадыгар, оскуолаҕа киирээри…
Саха сиригэр номнуо X төгүлүн “Орто анал үөрэххэ Мисс уонна Мистер” күрэс ыытыллар. Сыллата таһыма…
ХНТ Генеральнай Ассамблеятын 80‑с сиэссийэтигэр үгэс быһыытынан аан дойду судаарыстыбаларын баһылыктара, бэрэстэбиитэллэрэ мустан, санааларын үллэһиннилэр,…
Бу күннэргэ интэриниэт ситимигэр эр киһи быраабы утары дьайыылары оҥоруох буоларын туһунан видео-устуу тарҕанна. Бу…