Мария Васильева хаартыската, СИА.
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта. Бу мөккүөрдээх бирикээс тахсарыгар олорор киһи өлбүтүнэн сибээстээн тэрилтэҕэ ыытыллыбыт бэрэбиэркэ түмүгэ, ону таһынан дириэктэр быһаарыы суруга төрүөт буолбуттара.
Дьахтар ууратыыны сөбүлэспэккэ, СӨ Үлэҕэ уонна социальнай сайдыыга министиэристибэтин утары ирдэбил суруйбут. Кини үлэ дуогабарын тохтотор туһунан бирикээһи сокуону кэһиинэн ааҕарга, дириэктэр дуоһунаһыгар үлэтигэр төнүннэрэргэ уонна бу сыл тохсунньу 10 күнүттэн бу дьыалаҕа суут быһаарыыта тахсыар диэри үлэлээбэтэх кэмин иһин хамнаһын төлөттөрөргө көрдөспүт.
Дьокуускайдааҕы куорат суута ирдэбили толорортон аккаастаан, бэрэбиэркэ түмүгүнэн урукку дириэктэр өттүттэн элбэх сокуону кэһии тахсыбытын бэлиэтээбит. Ол курдук, кини тэрилтэ үлэһиттэрэ дуоһунастарын эбээһинэстэрин толорууларын хонтуруолун хааччыйбатах, өлбүт киһиэхэ өҥөнү оҥоруу туһунан мэдиссиинэ докумуоннара сөптөөхтүк толоруллубатахтар, үлэһиттэринэн дьуһуурустубаны тутуу уонна туттарыы олохтоммут бэрээдэгин тутуһууну сөптөөх хонтуруол олохтоммотох.
СӨ Үрдүкү суутун гражданскай дьыалаларга Судебнай кэллиэгийэтэ суут быһаарыытын уларытарга эбэтэр көтүрэргэ төрүөтү булбатах. Суут быһаарыыта сокуоннай күүһүгэр киирдэ, диэн СӨ Үрдүкү суутун пресс-сулууспата иһитиннэрэр.
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…