Суут «моральнай хоромньуну» ирдээн ылла

Орто Халыма улууһугар борокуруор ирдэбилинэн, сокуоннай сааһын туола илик оҕону утары буруйу оҥорууттан эмсэҕэлээбит дьоҥҥо «моральнай хоромньуну» ирдээн ыллылар.

Суут бириигэбэринэн, Орто Халыма улууһун олохтооҕо кытаанах эрэсиимнээх холуонньаҕа 13 сыл көҥүлэ быһыллыбыта.  Кини сокуоннай саастарын туола илик 2 кыыска быдьар буруйу оҥорбут.

Ол түмүгэр кыргыттар эт-хаан, өй-санаа, сиэр-майгы өттүнэн эмсэҕэлээбиттэр. Онон, буруйданааччы төһө да хаайылыннар, борокуруор эмсэҕэлээбиттэргэ «моральнай хоромньу» харчытын ирдээтэ.

Суут борокуруор ирдэбилин көрөн баран, сууттаммыт киһиттэн 500 тыһыынча солкуобайы ирдээн ылла.

Суут быһаарыыта сокуоннай күүһүгэр киирдэ диэн СӨ Борокуратууратын пресс-сулууспата иһитиннэрэр.