Нам улууһун дьаһалтата сир сокуонугар кэһии таһаарбыта билиннэ

Нам оройуонун суута «Нам улууһа» муниципальнай оройуон дьаһалтатын алта ый устата хамсаабат баай-дуол судаарыстыбаннай биир кэлим реестригэр нэһилиэнньэлээх пууннар уонна территориальнай зоналар кыраныыссаларын туһунан сибидиэнньэлэри киллэрэргэ сорудахтаата.

Суут көрүүтүн төрүөтүнэн, борокуруор этиитинэн сир сокуонун уонна сири туһаныы быраабылатын кэһиитэ тахсыбыта быһаарылынна. Бэрэбиэркэ түмүгүнэн муниципальнай оройуон дьаһалтата муниципальнай тэриллиилэр, бөһүөлэктэр уонна территориальнай зоналар кыраныыссаларын туһунан сибидиэнньэлэри ЕГРН киллэрэр эбээһинэһин толорботоҕо билиннэ. Ити федеральнай сокуону, РФ Сир Кодексын, улуус устаабын утарар.

СӨ Архитектура уонна куорат тутуутун управлениетын дааннайынан, 2025 сыл олунньу ый саҥатыгар 24 нэһилиэнньэлээх пууннартан 6 нэһилиэк эрэ кыраныыссата чуолкайдаммыт (25%) уонна Нам улууһун территориальнай зоналарын 18 кыраныыссата (6,74%) эрэ регистрацияламмыт. Улуус намыһах көрдөрүүтүттэн «кыһыл зонаҕа» киирбит. Сөптөөх регистрация суоҕуттан куорат тутуутугар мэһэйдэри үөскэтэр, генеральнай былааннары уонна тутуулары бэлэмнээһин быраабылаларыгар харгыстары үөскэтэр.

Нам оройуонун суута административнай ирдэбили ылынна. Суут быһаарыыта сокуоннай күүһүгэр киирэ илик.