Суут судаарыстыба бүддьүөтүгэр 140 мөл. солк. төннөрөргө уураахтаата

Өрөспүүбүлүкэ борокуратуурата бүддьүөт сокуонун ирдэбилин тутуһууну бэрэбиэркэлээтэ.

Ол түмүгэр СӨ тыа хаһаайыстыбатын министиэристибэтэ «Сахабулт» АУо сөбүлэһиигэ олоҕуран субсидия быһыытынан уопсайа 140 мөл. солк. суумалаах үбүнэн хааччыйыы сорох чааһын толуйарга, соҕотуопканы тэрийиигэ уонна тирии-түүлээх сырьетун, кылааннаах түүлээҕи таҥастааһыҥҥа судаарыстыбаттан көмө бэриллибит.

Өрөспүүбүлүкэ борокуратуурата үбүлээһини биэриигэ бүддьүөт сокуонун, ону таһынан эрэгийиэннээҕи бигэргэммит бэрээдэги кэһии тахсыбытын булбут. Онон сибээстээн борокуратуура суукка 3 сөбүлэһиини дьиҥэ суоҕунан билинэн, сөбүлэһиинэн салгыы оҥоһуллубут дьайыылар дьиҥэ суохтарынан, «Сахабулт» АУо судаарыстыба бүддьүөтүгэр 140 мөл. солк. кэриҥнээх үбү төннөрөрүгэр эбээһинэстииргэ үҥсүү түһэрбит.

Борокуратуура ирдэбилин суут толору өйөөтө уонна судаарыстыба бүддьүөтүгэр 140 мөл. солк. төннөрөргө уураахтаата диэн СӨ Борокуратуурата иһитиннэрэр.

Суут быһаарыытын туолуутун СӨ Борокуратуурата хонтуруолга тутар.