Суут уурааҕынан «Инаглинский» ГОК 90 сууккаҕа үлэтин тохтотто

Ахсынньы 17 күнүгэр Нерюнгритааҕы суутунан «Инаглинскайдааҕы хайа-байытар комплекс» тэрилтэ административнай сокуону кэһиигэ буруйдааҕынан ааҕылынна уонна 90 сууккаҕа болдьоххо үлэтин тохтоторго уураахтанна.

Суут быһаарыытынан, бу сыл ахсынньы 13 күнүгэр Ленскай управлениетын Ростехнадзор Соҕурууҥу горнотехнологическай отделын начаалынньыга куттал суох буолуутун эйгэтигэр булгуччулаах нуормалары уонна быраабылалары кэһиигэ буруйданна, чуолаан, хайа баайын хостооһунугар шахта үрдэ алдьаммыт, ол түмүгэр үлэһит баттатан суорума суолламмыт, сөптөөх силиэстийэ ыытыллыбатах, маннык түбэлтэлэри туоратарга анал тэрээһиннэр ыытыллыбатахтар.

«Инаглинский» ГОК бэрэстэбиитэлэ административнай сокуону кэһии тахсыбыт чахчытын мэлдьэспэтэ. Сокуону тутуһуу ирдэбилин толорууга сөптөөх докумуоннары туттарбатах. Уураах сокуоннай күүһүгэр киирэ илик бу туһунан СӨ Сууттарын холбоһуктаах пресс- сулууспата иһитиннэрэр.