Суут уурааҕынан эмсэҕэлээбит дьиэ кэргэҥҥэ 7 мөл.солк. төлүөхтэрэ

Ааспыт сыл кулун тутар ыйыгар электросыбаарсык үлэтин эбээһинэһин толоро сылдьан суорума суолламмыта.

Иэдээн тахсыбыт сүрүн төрүөтүнэн үлэни тэрийиигэ тахсыбыт сыыһалар буолаллар.

Өлүөхүмэ оройуонун борокуратурата бу дьыала тула бэрэбиэркэ ыыппыта уонна суукка эмсэҕэлээбит дьиэ кэргэҥҥэ моральнай  охсуу иһин төлөбүр төлүүр туһунан ирдэбили ыыппыта.  Ол түмүгэр суут борокуратуура ирдэбилигэр сөпсөһөн, аҕаларын сүтэрбит дьиэ кэргэҥҥэ  7 мөл. солк. төлүүр уонна ый ахсын  оҕолор сокуоннай саастарын ситиэхтэригэр диэри төлөбүр көрөр туһунан уураахтаабыта.

Суут быһаарыыта сокуоннай күүһүгэр киирбитин кэннэ борокуратура ирдэбил толоруллуутун хонтуруоллуоҕа.