Суутунан дьахтар чааһынай харабыл дастабырыанньатын былдьатта

Мииринэй олохтооҕо чааһынай харабыл дастабырыанньатын тохтотор быһаарыы сокуоннайа суоҕунан ааҕарга суут көрүүтүгэр сайабылыанньа суруйбут.

СӨ Үрдүку суута суруйарынан, былырыын ыам ыйыгар дьахтар чааһынай харабыл дастабырыанньатын ыларга «Госуслуги» портал нөҥүө сайабалыанньа ыыппыт. РФ Национальнай Гвардиятын федеральнай сулууспатын управлениета дьахтар докумуоннарын ФСБ көрүүтүгэр ыыппыт. Биир ыйынан чааһынай харабылга дастабырыанньата туттарыллыбыт. Ол эрээри, былырыын балаҕан ыйыгар Анаабыр, Ленскэй, Мииринэй уонна Өлүөхүмэ оройуоннарыгар Росгвардия управлениетын лицензионнай-көҥүллүүр отделениетыттан гражданнар бырааптарын уонна уопсастыбаҕа куттала суох буолуу сокуон кэһиллибитин туһунан иһитиннэрии киирбит. 2024 сыл сэтинньитигэр РФ Национальнай Гвардиятын федеральнай сулууспатын быһаарыытынан чааһынай харабыл дастабырыанньата тохтотуллубут уонна былдьаммыт. Суут быһаарыытынан дакаастабыл суоҕунан дьахтар сайабылыанньатын ылымматылар.

Дьахтар чааһынай харабыл дастабырыанньатын тохтотуу сокуоннайа суоҕун уонна суут быһаарыытын тохтоторго көрдөһүүлээх салгыы СӨ Үрдүкү суутугар тахсыбыт. Ол эрээри, апелляционнай инстанциянан суут бастакы уурааҕын көтүрбэтэ эбэтэр уларытарга төрүөт булбата. Быһаарыы сокуоннай күүһүгэр киирдэ, диэн СӨ Үрдүкү суутун пресс-сулууспата суруйар.