Кыбартыыра былдьаһыытыгар суутунан элбэх оҕолоох ийэ бырааба көмүскэннэ

Булуҥ улууһун суутугар Эдьигээн сэлиэнньэтин аҕам саастаах дьахтара кийиитин уонна үс сиэнин дьиэни туһанар бырааптарын тохтоторго үҥсүү түһэрбит.

Ирдэһээччи быһаарыытынан Эдьигээн сэлиэнньэтигэр дьиэни куортамҥа кини уола уонна эдэр ийэ оҕолорун кытта регистрацияламмыттар. Ол кэннэ 2024 сылга саахаланнар туруктаах дьиэлэртэн көһөрүү бырагырааманан Дьокуускайга саҥа кыбартыыра бэриллибит. Дуогабарга ирдэһээччи дьахтар, кини уола уонна элбэх оҕолоох ийэ оҕолорунаан биир ыал курдук суруллан киллэриллибиттэр. Сотору кэминэн, 2018 сылга, ирдэһээччи дьахтар уола  тыына быстыбыт, дьиэни былдьаһыы иирсээнэ үөскээбит.1998-2021 сылларга ыаллар бииргэ олорбуттарынан, ОДьКХ төлөбүрүн кыттыһан төлөөбүттэринэн сибээстээн, суутунан ирдэһээччи үҥсүүтэ ылыллыбата. Быһаарыы сокуоннай күүһүгэр киирэ илик, диэн  Саха Өрөспүүбүлүкэтин сууттарын холбоһуктаах пресс-сулууспата иһитиннэрдэ.