Хаартыска: ЯСИА
Оскуола иһинээҕи хоспоххо 2024 сыл олунньутугар икки оҕо ыккардыгар иирсээн охсуһууга тиэрдибит. Ол түмүгэр биир оҕо саннын уҥуоҕун тоһуппут, диэн Саха сиринээҕи Үрдүкү суутун пресс-сулууспата суруйар.
Эмсэҕэлээччи ийэтэ охсуһууга иккис кыттыылаах бэрэстэбиитэлигэр, үөрэх тэрилтэтигэр уонна оройуон дьаһалтатыгар моральнай хоромньуну уонна ороскуоту толуйарга ирдээбит. Дьахтар барыта 1 515 000 солк. көрдөөбүт. Оскуола дириэктэрэ буруйу билинэн, хоромньу суумата олус элбэх диэн быһаарбыт.
Ленскэй оройуонун суута дьыала матырыйаалларын үөрэтэн баран, 14 саастарын туола илик оҕолор буруйу оҥорууларын иһин төрөппүттэрэ (иитэ ылааччылар) эппиэттииллэрин быһаарда. Ол эрээри, РФ Гражданскай кодексынан оҕо быстах кэмҥэ мэдиссиинэ эбэтэр атын тэрилтэ көрүүтүгэр киирдэҕинэ тэрилтэ дуогабарынан дьыалаҕа тардыллара быһаарылынна.
Бу түбэлтэҕэ оскуола үөрэнэр оҕолорго сөптөөх хонтуруоллааһын миэрэтэ хааччыллыбатах. Оскуола территориятыгар оҕолор баалларын тухары эппиэтинэһи тэрилтэ сүгүөхтээх.
Онон Ленскэй оройуон суута оскуолаттан эмсэҕэлээбит уол ийэтигэр 350 000 солк. моральнай хоромньуну уонна бэрэстэбиитэл өҥөтүн төлөбүрүгэр 30 000 солк. төлүүргэ уураахтаата. Ону таһынан оскуолаҕа харчы суох түгэнигэр, муниципальнай оройуонтан ылыллыахтааҕа быһаарылынна. Итини кытта оскуолаттан 4000 солк. суумалаах судаарыстыбаннай пошлина ирдэннэ. Суут быһаарыыта сокуоннай күүһүгэр киирбит.
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…