Суутунан суолу оҥорооччулартан атаҕын өлөрбүт дьахтарга 360 тыһ.солк. ирдэннэ

2023 сыл атырдьах ыйыгар дьахтар «Уустаах Избекова» оптуобус тохтобулуттан тротуар устун хааман иһэн, эмискэ уҥа атаҕынан дьаамаҕа түспүт.

Тротуарга бу сиргэ өрөмүөн ыытылларын туһунан сэрэтии бэлиэтэ суох эбит. Дьахтар атаҕа испитэн миэстэтигэр суһал көмө сулууспата ыҥырыллыбыт. Дьахтары балыыһаҕа илдьибиттэр. Быһылаан түмүгэр, дьахтар уҥа атаҕын уҥуохтарын тоһуппута быһаарыллыбыт.

Силиэстийэ быһаарыытынан, 2022 сыл олунньу 15 күнүгэр Дьокуускай куорат «Главстрой» МКУ уонна «РИК Автодор» АУо икки ардыларыгар суолга хапытаалынай өрөмүөнү ыытыыга муниципальнай хантараак түһэрсиллибит. 2022 сыл ахсынньытыгар үлэ түмүктэммитинэн аахта баттаммыт. Ол эрээри, кэлин дуогабар мэктиэлэрин толорууга эбии үлэлэр ыытыллыбыттар.

Дьокуускай куорат суута хомуллубут матырыйаалларга олоҕуран, эчэйиини ылбыт дьахтар атаҕын өлөрбүтүнэн буруйдааҕынан «РИК Автодор» АУо хампаанньаны билиммит. Итинэн сибээстээн, суут эмсэҕэлээбит дьахтарга 300 000 солк. суумалаах моральнай хоромньу, 9 445 солк. эмп-томп төлөбүрү, ону тэҥэ албакаат өҥөтүн 55 000 солк. сууманы төлүүргэ сорудахтаата. Суут быһаарыыта сокуоннай күүһүгэр киирбит. Бу туһунан СӨ Үрдүкү суутун пресс-сулууспата иһитиннэрэр.