Хаартыска: СӨ Суут бириистэптэрин пресс-сулууспата
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр.
Нерюнгри олохтооҕо таҥастыыр бырамыысыланнас тэрилтэтигэр 2022 сыл саҕаланыаҕыттан 2024 сыл балаҕан ыйыгар диэри үлэлээбит. Кини РФ Үлэ кодексатын 77-с ыстатыйатын 3-с пуунунан бэйэтин баҕатынан үлэттэн уурайбыт. Салайааччылары кытта кэпсэтии быһыытынан, хамнаһа мунньуллан испит уонна 2023 сыл бүтүүтэ төлөнүөхтээх эбит. Кэлин хамнас төлөнөр болдьоҕо 2024 сыл саҕаланыытыгар көһөрүллүбүт.
2024 сыл олунньутугар салайааччылар уларыйбыттар, онтон сылтаан хамнас төлөбүрүн туһунан сөбүлэҥи үлэ биэрээччи биир өттүнэн тохтоппут. Уурайар күнүгэр хамнаһын уонна уоппускатын төлөбүрүн бүтэһиктээхтик аахсыбатахтар. Боппуруоһу суукка тиэрдибэккэ быһаарсар кыаллыбатах, онон эр киһи хамнаһын ирдиир туһунан суукка үҥсүбүт.
Нерюнгри оройуонун суутун быһаарыытынан хамнас, уоппуска төлөбүрэ уонна моральнай хоромньу компенсацията уопсай суумата 5 320 000 солк. кэриҥэ буолбут. Нерюнгри суутун бириистэптэрэ дьыаланы түмүктээтилэр диэн СӨ Суут бириистэптэрин пресс-сулууспата иһитиннэрэр.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …