Светлана Диодорова-Лаврентьева байыастары кытта көрүстэ

Арассыыйаҕа Аҕа дойдуну көмүскүүр байыастар дьиэ кэргэттэрин эрэгийиэннээҕи кэмитиэтин  салайааччыта Светлана Диодорова-Лаврентьева бэҕэһээ Запорожье хайысхатыгар Саха сириттэн сылдьар байыаннай дьайыы кыттыылаахтарын кытта анаан-минээн көрүстэ.

Саха сириттэн сылдьар байыастарга эми-тому, ыыһаммыт убаһа этин уонна оҕолор ис сүрэхтэриттэн оҥорбут харысхал бэлиэлэрин туттартаата. Хайдах-туох сылдьалларын, туохха наадыйалларын туоһуласта.

«Ыраах Саха сириттэн уолаттарбытыгар күүс-көмө буолаары кэллибит. Бары биир санаанан салайтаран сомоҕолоһуохпутун наада. Байыастарбыт бэркэ дьаһанан олороллорун илэ харахпынан көрдүм», — диэн кини санаатын үллэһиннэ.

Салгыы видеону көрүҥ.