Светлана Диодорова-Лаврентьева: «Владимир Путин дьиэ кэргэттэргэ туһааннаах этиитэ болҕомтоҕо ылылыннын»

Светлана Диодорова-Лаврентьева, СӨ Аҕа дойду буойуннарын дьиэ кэргэттэрин кэмитиэтин бэрэссэдээтэлэ, СӨ Судаарыстыбаннай Мунньаҕын (Ил Түмэн) сис кэмитиэтин ыстаарсай референэ:

-Биһиги уолаттарбыт былырыын армияҕа сылдьан анал дьайыы саҕаланыаҕыттан «хаарыллыбыттара». Мобилизация буолуор диэри төрөппүттэр, оҕолорбутун кытта тэҥҥэ «окуопаҕа сыппыппыт». Сүтүк, эчэйии барыта баара. Тустаахтарга олус ыарахан кэм этэ…

Дойду Бэрэсидьиэнэ В.В.Путин бүгүҥҥү этиитигэр, дьиэ кэргэттэргэ туһааннаах этиитэ болҕомтоҕо ылыллыа диэн эрэнэбин. Бүгүҥҥү күҥҥэ кыһалҕабыт үгүс. Тулаайах хаалбыт оҕолор, кэргэттэр, тапталлаах уолларын сүтэрбит төрөппүттэр, байыаннай дьайыы толоонугар эчэйэн кэлбит буойуттар, күннээҕи олоххо төннөр баҕалаах үөрэх, үлэ көрдүүр саллааттар өйөбүллээх, анал сыһыарыллыбыт социальнай үлэһиттээх буолуохтара. Өссө байыас уоппускаҕа 14 хонукка кэлэригэр айана киирбэт диэбитин сэргии иһиттим.

Мин ийэлэри өрүү: «Биһиги дойдуларын көмүскүүр, харыстыыр, хорсун уонна патриот уолаттары төрөппүт ийэлэрбит», — диэн уоскутабын. Онтон мобилизованнай аҕалардаах ийэ иһигэр улаатар төрүү илик кырачааннар аҕалара этэҥҥэ төннөн кэлэллэрин күүтэллэр… Онон, бука бары бииргэ буолуоҕуҥ. Уолаттарбыт мээнэҕэ: «Биһиги эһиги тускутугар, эһиги биһиги туспутугар», — диэбэттэр.