Светлана Петрова «Профессор года» бириэмийэ анал аатын ылла
16.11.2024, 13:50
Ил Дархан, бырабыыталыстыба пресс-сулууспата.
Бөлөххө киир:
ХИФУ филологическай факультетын нуучча тылын омук тылын курдук үөрэтии кафедратын сэбиэдиссэйэ Светлана Петрова «Профессор года» национальнай бириэмийэ «Педагогические науки» номинациятыгар кыайда.
Светлана Петрова университекка 1970 сылтан үлэлиир. Кини элбэх бырайыактары олоххо киллэрбитэ. Билигин кини «Русский мир Азии» бырайыагы үлэлэтэр, бэрэпиэссэр көхтөөх кыттыытынан Кытайга ХИФУ нуучча тылыгар, литературатыгар кииннэрэ аһыллыбыттара.
— Бэйэм методикабынан Кытайга, Монголияҕа, Соҕуруу Кореяҕа, Японияҕа, Туниска маастар-кылаастары ыытабын. Бу методиканы айыыны мин научнай үлэбэр бэлиэ түгэнинэн ааҕабын, тоҕо диэтэр, аан дойдуга маннык методика ханна да суох, — диэн учуонай этэр.
Светлана Петрова — 200-тэн тахса научнай үлэ, ол иһигэр 15 үөрэтэр босуобуйа ааптара. Кини методикатынан Хотугулуу-Илиҥҥи федеральнай университекка омук устудьуоннарын үөрэтэллэр.
Бэрэпиэссэр 14 наука хандьыдаатын бэлэмнээбитэ, элбэх научнай бырайыактар салайааччылара. Бу бырайыактар РФ үөрэх министиэристибэтин граннарын ылбыттара.
Национальнай бириэмийэ анал аатын ылыы бэрэпиэссэр үлэтин, Арассыыйа наукатын сайдыытыгар киллэрбит өҥөтүн билинии буолар.
Ил Дархан, бырабыыталыстыба пресс-сулууспата.
+1
2
+1
+1
+1
+1
+1
+1
1
Сообщить об опечатке
Текст, который будет отправлен нашим редакторам: