Салгыы
До выборов президента РФ
00 дней
:
00 часов
:
00 минут
:
00 секунд
Светлана Самсонова-Сиибиктэ: «Эр хоhуун уоланнар»

Светлана Самсонова-Сиибиктэ: «Эр хоhуун уоланнар»

Ааптар:
05.11.2022, 19:32
Бөлөххө киир:

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 61-с кыттааччыта Кэбээйиттэн   Светлана Николаевна Самсонова-Сиибиктэ:

Эр хоhуун уоланнар

Дьэй дуо, Дуоҕа Боотур саҕаттан
Тулхадыйбат чиҥ тулуурдаахпыт.
Ох сааны кирсин сүɵрэр сахтан
Эйэ олохтуур дьулуурдаахпыт.
Эр хоhуун, эр бэрдэ уоланнар,
Сомоҕолоhон бииргэ түмсүɵх!

Байанайбыт мичик аллайан,
Байылыат булдунан тосхойон,
Муус анньан, үтүмэх сүүрдэн,
Муҥхалаан собо таhаараммыт,
Эр хоhуун, эр бэрдэ уоланнар,
Эбэбит алгыһын иҥэриниэх!

Сиртэн силлибэт силистэнэн,
Тоҥтон толлубат толкуйданан,
Өбүгэ оонньуутун тɵрүттээн,
Өрɵгɵй ырыатын дьиэрэтэн,
Эр хоhуун, эр бэрдэ уоланнар,
Эрдийэн кыайыыга дьулуhуох!

Дохсун ат туйаҕа табыйар,
Дьоhуннаах аартыгы арыйар.
Бухатыыр саҥата дуорайар…
Буулаҕа санаа, кыым саҕыллар!
Эр хоhуун, эр бэрдэ уоланнар,
Дойдубут иһин туруулаһыах!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -30°C
  • Ощущается: -30°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: