Светлана Стручкова: «Өрөгөй өрүөллэргэ»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 52-с кыттааччыта Мэҥэ Хаҥалас Бүтэйдээҕиттэн  Стручкова Светлана Николаевна:

Өрөгөй өрүөллэргэ

Дойду чулуу урааҥхайдара,

Дурда-хахха уоланнара,

Хорсун-хоодуот хотойдоро,

Хоһуун бэртэрэ эһиги.

Түргэн туттуулаах,

Тостубат санаалаах,

Эйэлээх олоҕу түстэһэр,

Эр бэртэрэ, эһиги.

Кыайыыны уһансар,

Кэскили түстэһэр,

Өрүөлтэн өрүөллэрэ,

Өрөгөй саргылара, эһиги.

Ийэ дойду хоһууннара,

Истигэн, иһирэх хоодуоттара,

Үтүмэн үөрүү аргыстара,

Үтүөкэн бэртэрэ, эһиги.

Кыайыы кынаттанан эргиллиҥ,

Кыайыы көтөллөнөн кэлээриҥ,

Күүтүөхпүт эрэнэ, эһигини,

Үрдүктүк үөрүүнэн көрсүөхпүт.