Светлэйгэ тайах оҕотун буллулар
30.05.2023, 20:15
![](https://sakha-sire.ru/wp-content/uploads/2023/05/30b91398-b650-455b-875c-5cb8a893db0e-733x596.jpg)
Хаартыска: Биологическай ресурсалар, ураты харыстанар сирдэр, айылҕа пааркаларын дирекцията.
Бөлөххө киир:
Ыам ыйын 24 күнүгэр Мииринэй оройуонун Светлэй бөһүөлэгин аттынааҕы суолга тайах оҕото соҕотох сылдьарын булбуттара. Кинини полиция участковайа Артур Елизаров булан, дьиэтигэр аҕалбыта.
![](https://sakha-sire.ru/wp-content/uploads/2023/05/4211a14f-e7ae-4aa8-9940-71f6d67aac7f.jpg)
Тайах оҕото тыһы, төрөөбүтэ 1-2 эрэ күн буолбут бадахтаах, ийэтэ суох. Сабаҕалааһынынан, ийэтин тыатааҕы тардыбыт буолуон сөп. Маннык түгэҥҥэ ыҥаах ойуурга соҕотох хаалан, тыыннаах ордубат, онон кинини “Живые алмазы Якутии” айылҕа пааркатын үлэһиттэригэр туттардылар.
Сотору кэминэн Светлэй олохтоохторо киниэхэ аат толкуйдуохтаахтар. Үгүс олохтоохтор тайах оҕотун дьылҕатын туһугар долгуйаллар. Ол да буоллар, ыҥаах туруга үчүгэй, үүтү иһэр. Кырата бэрт буолан, дьонтон куттаммат. Паарка үлэһиттэрэ кинини кыһамньылаахтык көрөллөр-харайаллар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: