«Светлячок» оҕолоро Виктор Лебедевтэн бэлэх туттулар

Ахсынньы 29 күнүгэр Хаандыга бөһүөлэгэр Томпотооҕу  «Светлячок» социальнай реабилитационнай киин оҕолоругар Ил Түмэн дьокутаата Виктор Лебедев бэлэҕин туттардылар.

Улуус дьаһалтатын аатыттан бу бэлэхтэри Хаандыга бөһүөлэгин баһылыга Петр Новгородов, улуус баһылыгын солбуйааччы Степан Кривошапкин туттардылар. Кинилэр оҕолорго уонна социальнай тэрилтэ кэлэктиибигэр кытаанах доруобуйаны, дьолу-соргуну уонна бары баҕа санаалара кэмигэр туоларыгар баҕардылар.

Виктор Николаевич төрөөбүт улууһугар бэйэтэ үбүлээн сэттэ сыл устата социальнай харысхаллаах оҕолорго араас тэрээһиннэри тэрийэр. Кини көҕүлээһинэн Тааттаҕа уонна Томпоҕо ХИФУ преподавателлэрэ выпусниктарга босхо консультациа оҥорон бараллар. Сыл бүтэһигэр көмүс уонна үрүҥ көмүс мэтээллээх оҕолор дьокутаат Виктор Лебедевтэн сыаналаах   бэлэхтэри туталлар.

Саҥа дьыллааҕы бэлэҕи ылан, оҕолор үөрүүлэрэ муҥура суох.

Мария ЗАХАРОВА.