«Светлячок» уһуйааҥҥа туус хоһо аһылынна

Дьокуускайга 13-с  №-дээх «Светлячок» уһуйаан олохтоох көҕүлээһиннэри өйүүр бырагыраамаҕа кыайан баран, ол үбүгэр оҕолорго анаан туустаах хоһу оҥортордо.

Бу маннык туустаах хос салгына оҕолор тыыналларыгар, доруобуйаларын тупсарарга, иммунитеттарын бөҕөргөтөргө олус туһалаах. Мэдиссиинэҕэ маннык эмтиир ньыма  «галотерапия» диэн ааттанар. Холобурдаан эттэххэ, айылҕаҕа маннык туустаах хаспахтар баар буолаллар. Бу туустаах хос оннук хаспаҕы үтүгүннэрэн оҥоһуллубут. Кэмпэндээйитээҕи туус хампаанньата бэйэтин хостуур тууһунан уһуйааннарга хас да маннык хостору оҥорон турар.

Олохтоох көҕүлээһиннэри өйүүр бырагыраама тулалыыр эйгэни, олорор усулуjбуйаны тупсарарга анаммыт бырайыактары талан ылан, өрөспүүбүлүкэ бүддьүөтүттэн үбүлүүр, олоххо киллэрэр.