Светофор күнүгэр тугу билиэхтээхпитий?

Айаннаан иһэн үгүстүк хайа өйдөөх светофор диэни толкуйдаабыта буолуой дии санааччыбын, испэр махтанааччыбын. Биир эмит күн уот бардаҕына суолга аймалҕан тахсар. Онон светофор саҕа абыраллаах тэрил суолга суоҕун кэриэтэ.

Атырдьах ыйын 5 күнэ — аан дойду үрдүнэн светофор күнэ бэлиэтэнэр.

Биһиги дойдубутугар аан бастаан светофор 1930 сыллаахха баар буолбута. Светофору Санкт-Петербург куорат Невскай уонна Литейнэй проспектарын муннуктарыгар туруорбуттара.  Ити сыл светофор Москваҕа туруоруллубута. Онтон салгыы Ростов на Дону куоракка баар буолбута. Биһиги өрөспүүбүлүкэбитигэр билиҥҥи туругунан 243 cветофор үлэлиир. Олортон 190 — Дьокуускайга баар.