«Светофор» маҕаһыын умайа сыста

Дьокуускайга «Светофор» маҕаһыын умайа сыһан ыксаллаах быһыыны-майгыны таһаарда.

Ыксаллаах быһыы-майгы министиэристибэтин кылаабынай управлениета иһитиннэрбитинэн, Дьокуускай куорат Окружной шоссетыгар баар «Светофор» атыы-эргиэн киинигэр умайыы тахсыбыт.

Баһаары умуруоруу эргиэн дьиэтэ уустук тутуулааҕынан, түргэнник умайар матырыйааллааҕынан уонна таһырдьа салгын температурата намыһаҕынан уустугурбут. Баһаарынай сулууспа суһал хамсаныытынан эрэ баһаары тохтотору ситиспиттэр.

Баһаар түмүгэр 100 кв. м. иэннээх сир умайбыт. Дьокуускайдааҕы баһаарынай-быыһыыр гарнизонун 46 байыаһа, 10 тиэхиньикэ баһаары умуруорууга үлэлээтэ. Эчэйбит киһи суох. Баһаар тахсыбыт төрүөтэ, буруйдаах уонна хоромньу быһаарыллар.

Ыксаллаах быһыы-майгы министиэристибэтин пресс-сулууспата.