«Светофор» маҕаһыыҥҥа атыыланар «Ложкаревъ» хинкалларга сальмонелла булбуттар

«Светофор» маҕаһыыҥҥа атыыланар «Шельф-2000» оҥорон таһаарбыт эт бородууксуйатыгар — «Ложкаревъ» хинкалларга сальмонелла булуллубут. Бу туһунан Москва, Московскай уобалас уонна уонна Тульскай уобалас Россельхознадзорун управлениета иһитиннэрдэ.

«2025 сыл олунньуга Москва, Московскай уобалас, Тульскай уобалас, Кировскай уобалас, Удмуртскай Өрөспүүбүлүкэ уонна Пермскай кыраай Россельхознадзор управлениетыгар «Шельф-2000» ХЭУо (Москва уобалаһа, Домодедово к.) «Ложкаревъ» хинкалларыгар патогеннай микроорганизмнар, ол иһигэр сальмонелла булуллубуттарын туһунан иһитиннэрии киирбит.

Боруобаны «Светофор» маҕаһыынтан ылыллыбыт (Кировскай уобалас, Кирово- Чепецкай куорат, Базовай проезд, 5 дь.). Чинчийиилэри Россельхознадзор иһинэн Татардааҕы филиалын «ВНИИЗЖ» тэрилтэнэн ыытыллыбыт, — диэн иһитиннэриигэ этиллэр. Биэдэмистибэ суруйарынан, оҥорон таһаарааччы тэхиниичэскэй регламент ирдэбиллэрин кэспит. Кулун тутар 10 күнүгэр Россельхознадзор управлениета хампаанньаҕа булгуччулаах ирдэбиллэри кэһии тахсыбатыгар сэрэтии биллэрдэ. «Хаачыстыбата суох бородууксуйа атыыламмыт чахчытынан матырыйааллар Москва уобалаһын борокуратууратыгар бэрилиннилэр, — диэн биэдэмистибэҕэ суруйаллар.