Хаартыска: куйаар ситимиттэн
Киин уонна Хотугулуу-Арҕаа федеральнай уокуруктарынан «Светофор» ситим маҕаһыыннара сабыллыахтара диэн социальнай ситимнэринэн сымыйа иһитиннэрии тарҕанна. Хампаанньаҕа «Инвест-стандарт» хампаанньа юридическай аадырыһын уларытар диэн быһаардылар. Бу туһунан «Торгсервис 69» хампаанньа пресс-сулууспата ТАСС-ка иһитиннэдэ.
Бу иннинэ нолуогабай сулууспаҕа олунньу 3 күнүгэр «Инвест-стандарт» холдины суох оҥоруу туһунан быһаарыы ылыллыбыта. «Инвест-стандарт» сымыйа аадырыска регистрацияламмыт. Ол курдук, ЕГРЮЛ дааннайынан тэрилтэ Ярославскай куоракка Наумов уулуссатыгар регистрацияламмыт да, онно сибидиэнньэлэрэ сымыйа буолан тахсыбыта бэлиэтэнэр.
Санттахха, тохсунньуга «Светофор» атыы-эргиэн ситимигэр маассабай бэрэбиэркэлэр саҕаламмыттара. Барыллаан чахчынан, бэрэбиэркэ былырыын ахсынньы ый саҥатыгар дьокутаат Сергей Лисовскай үҥсүүтүнэн ыытыллыбыт. Ол кэннэ тохсунньу бүтүүтэ, «Ведомости» хаһыат суруйбутунан, Москва оройуоннааҕы сууттарынан 3 ыйга диэри болдьоххо хас да маҕаһыын үлэтин тохтоппуттар.
Роспотребнадзор бу маҕаһыннарынан сокуон ирдэбиллэрин кэһиитэ тахсыбытын бэлиэтээбитэ: маҕаһыын иһэ олум кирдээх, сахсырҕа, тараакаан бааллар, холодильниктарга термометр суох, болдьоҕо ааспыт табаардары булбуттар. «Ведомости» суруйбуттарынан, Москваҕа «Светофор» маҕаһыыннар аҥарын кэриҥэ сабыллыахтара диэн сабаҕаланар. Ону тэҥэ Санкт-Петербург, Челябинскай, Нижнекамскай куораттарга маҕаһыыннар сабыллыбыттарын туһунан иһитиннэрбиттэрэ.
Бу иннинэ Россельхознадзор Москва, Ростовскай, Новгородскай уонна Вологодскай уобаластарыгар «Светофор» ситим маҕаһыыннарыгар үлэлэригэр араас сокуону кэһии тахсыбытын булбутун Роспотребнадзорга уонна Генеральнай Борокуратуураҕа бэрэбиэркэлиир матырыйааллары ыыппытын быһаарбыта.
«Светофор» маҕаһыыннарынан табаардар хоруопка иһиттэн кыра сыанаҕа атыыланаллар. Онно кэнсиэрбэттэн саҕалаан кыра остуолга тиийэ табаар арааһын атыылаһыахха сөп.
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…