СВО бэтэрээнэ массыына көлүөһэтин оҥорор сыахтаныа

Байыас Ион Копырин «Аҕа дойдуну көмүскээччилэр» пуонда филиалын өйөбүлүнэн Хатаска массыына көлүөһэтин оҥорор сыаҕы арыйыа.

Кини социальнай хантараак түһэрсэргэ сайабылыанньатын номнуо биэрбит. Биисинэс-былааны оҥороругар «Мин биисинэһим» урбаанньыттары өйүүр киин көмөлөһүөҕэ. Бэтэрээн учаастактаах.

Хантараагынан сулууспата бүппүтүн кэнниттэн Ион Иванович «Аҕа дойдуну көмүскээччилэр» пуонда филиалыгар тиийбит. Социальнай сүрүннээччинэн Анастасия Подрясова анаммыт. Арыаллааһын иитинэн бэтэрээҥҥэ кэлим көмө оҥоһуллубут. Доруобуйатын чэбдигирдиммит уонна юридическай көмөнү ылбыт.

— Ион Иванович биисинэс-былаанын олоххо киллэрэргэ көмөлөһүү, үлэбит биир түмүгэ. Билигин кини сыаҕын арыйыынан дьарыктанар, — диэн этэр Анастасия Подрясова.

Дьоруой бойобуой суола былырыын ыам ыйыттан саҕаламмыт. Ион Иванович «Боотур» Барс-2 добровольческай этэрээккэ киирэн байыаннай дьайыы сиригэр-уотугар барбыт. Сулууспатыгар кини уһулуччу хорсун быһыытын көрдөрбүт, «За Отвагу» мэтээлинэн наҕараадаламмыт.

—Туох эмэ ыйытыы баар буоллаҕына, Анастасия Михайловна түргэнник быһаарар. Мин «Аҕа дойдуну көмүскээччилэр» пуонда филиалыгар махтанабын, — диир Ион Копырин.

СӨ Ил Дарханын уонна Бырабыыталыстыбатын пресс-сулууспата