ЯСИА хаартыската
Саха сиригэр байыаннай дьайыы бэтэрээннэрэ урбаанынан дьарыктаналлар.
Ол курдук, биир оннук холобурунан Михаил Павлов арыйбыт сыаҕа буолар. Бу дойдуларыгар ытык иэстэрин төлөөбүт уонна эйэлээх олоххо эргиллибит дьон үлэлиир сирдэринэн буолар.
Михаил Павлов этэринэн, уолаттар өссө инники кирбиигэ сылдьаннар доҕордоспуттар итиэннэ онно сылдьаннар уопсай дьыала арыйар туһунан ыра санааламмыттар. Ол доҕотторугар көмөлөөх буоларыгар бигэтик эрэммиттэр. Итинник «Дело СВОих» диэн ааттаах бырайыак баар буолбут.
—Сылдьан эрэ кыра-кыратык толкуйдаан, уолаттары түмэн, үлэни саҕалаан барбыппыт. «Дело СВОих» диэн ааттыырга быһаарыммыппыт, — диэн этэр Михаил Павлов.
Хамаандаҕа билигин алта киһи баар. Сорохтор соторутааҕыта кэлбиттэр, онон миэбэли оҥорууга уһуйуллаллар. Маастардары кытта тэҥҥэ сакааска киирбит миэбэллэри оҥорор буолбуттар.
Байыаннай дьайыы бэтэрээннэрэ дойдуларыгар эргиллэн кэлэн баран араас эйгэҕэ үлэлииллэр. Үксүлэригэр бэйэ дьыалатын арыныы дохуоту киллэрэрин сэргэ, адаптацияланалларыгар ордук суолталаах.
Бойобуой дьайыылар бэтэрээннэрэ Анатолий Николаев бастакы сакаастары ылар. Кини былырыын «СВОё дело-14» үөрэммитэ. Билигин дьарыктанар хайысхатын, дьиэҕэ тастан тыаһы-ууһу, саҥаны-иҥэни улаханнык иһитиннэрбэт тэрили туруорууга ылсыбыт үлэтин сайыннарар. Ылбыт билиитинэн, үөрэммит үөрэҕинэн, уопутунан бэйэ дьыалатын арынар уонна дьону кытта үлэлиир кыахтаммыт.
—Урбаанньыт буоларга үөрэнэн баран, дьыалабытын сайын арыйбыппыт. Перфораторынан да үлэлиэххэ сөп, килиэйдиэххэ да сөп. Тутааччылар маннык үлэни бары билэллэр, онон барыларыгар итэҕэйэбит,— диэн Анатолий Николаев санаатын үллэстэр.
Саха сиригэр байыаннай дьайыы кыттыылаахтарыгар уонна бэтэрээннэригэр урбааны сайыннарарга эрэгийиэннээҕи уонна федеральнай бырагыраамалар олоххо күүскэ киллэриллэллэр. Үөрэххэ биисинэскэ бастакы хардыылары оҥорорго көмөлөһөр трениннэр, маастар-кылаастар, идэлэрин баһылаабыт дьону кытта көрсүһүүлэр ыытыллаллар. Бу үлэлэрин саҥа саҕалааччыларга улахан тирэх буолар.
СӨ Ил Дархана Айсен Николаев Ил Түмэҥҥэ Туһаайан этиитигэр байыаннай дьайыы бэтэрээннэрин өйөөһүҥҥэ болҕомтотун уурбута.
—Социальнай реабилитация уонна байыастар эйэлээх олоххо адаптацияларын боппуруоһа ураты болҕомтону эрэйэр. Бу үөрэнии уонна дьарыктаах буолуу, уопсастыбаннай олоххо кыттыы, — диэн бэлиэтээбитэ.
Сиһилии: https://www.sakha.gov.ru/news/20664
СӨ Ил Дарханын уонна Бырабыыталыстыбатын пресс-сулууспата
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…
РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда. Тэрээһин "Россия — семья…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…