Хаартыска: minobrnauki.sakha.gov.ru
Байыаннай дьайыы кыттыылаахтара СӨ Ил Дарханын инновационнай менеджмеҥҥэ үрдүкү оскуолатын (ВШИМ) баазатыгар дьон-сэргэ иннигэр тыл этэргэ үөрэтэр анал кууруска сырыттылар.
Бу «Знание» уопсастыба лектордарынан буоларга уонна ыччаты патриотическай иитиигэ үлэлэһэргэ быһаарыммыт бойобуой дьайыылар бэтэрээннэрэ. Дьон иннигэр тыл этэргэ эрэллээх буоларга СӨ Ил Дарханын инновационнай менеджмеҥҥэ үрдүкү оскуолатын (ВШИМ) судаарыстыбаннай уонна муниципальнай управлениетын кафедратын сэбиэдиссэйэ Наталья Кашперская үөрэттэ-такайда.
—«Знание.Герои» бырайыак иитинэн 2024 сылтан саҕалаан биһиги СВО кыттыылаахтарын ыччаты кытта көрсүһүүгэ ыҥырабыт. Бэтэрээннэр эдэр көлүөнэ ыччакка кэпсииллэрэ, оттон ыччаттар хоруйга наадыйар ыйытыылара элбэх. Билигин араас олоҕо суох сымыйа сурахтар элбэхтэр. Маныаха СВО кыттыылаахтара оҕолорго, ыччакка анаан кэпсииллэрэ, өйдөтөр, сырдатар бэсиэдэлэри оҥороллоро, оҕолор ханна сымыйа, ханна кырдьык баарын өйдүүллэригэр көмөлөһөр, — диэн бэлиэтиир «Знание» уопсастыба филиалын дириэктэрэ Дмитрий Апросимов.
Бастакы күн куурус кыттыылаахтара ылыннарыылаахтык саҥарарга, тыл этэргэ сөпкө саҕалыырга уонна түмүктүүргэ, туттан-хаптан көрдөрөн кэпсээн аудитория болҕомтотун тардарга үөрэннилэр. Икис күн быраактыкаҕа ананна. Саҥарарга, дикцияҕа, интонацияҕа, саҥарар тыл тэтимигэр, аудиторияны кытта хардарыта сибээһи тутарга, уо.д.а.
Филиал дириэктэрэ эппитинэн, кууруһу ааспыттар аҥардара «Знание.Герои» бырайыак иитинэн эрэгийиэҥҥэ ыытыллыбыт тэрээһиннэргэ кыттыбыттар. Онтон хаалбыттар, үчүгэй баазаланан баран, кэнчээри ыччаты патриотическай иитиигэ анаммыт тэрээһиннэргэ кыттыахтаахтар.
Дмитрий Апросимов Ил Дархан Айсен Николаевка, «Аҕа дойдуну көмүскээччилэр» пуонда филиалыгар уонна СӨ Ил Дарханын инновационнай менеджмеҥҥэ үрдүкү оскуолатыгар маннык кууруһу тэрийиигэ өйөбүллэрин иһин махтанна.
Санатан эттэххэ, «Знание.Академия» платформаҕа ахсынньыттан СВО кыттыылаахтарыгар уонна бойобуой дьайыылар бэтэрээннэригэр дьон-сэргэ иннигэр тыл этэ үөрэнэргэ, дьон-сэргэ иннигэр эрэллээхтик туттан-хаптан турарга, сатаан саҥарарга, өйдөнөн хаалар курдук кэпсииргэ-испииргэ, уо.д.а. онлайн-куурус бэлэмнэниллибитэ.
СӨ Ил Дарханын уонна Бырабыыталыстыбатын пресс-сулууспата
Хаартыска https://minobrnauki.sakha.gov.ru
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…