Хаартыска sakha.gov.ru ылылынна
Национальнай бибилэтиэкэҕэ байыаннай дьайыы байыастарыгар, медиктэргэ, волонтерлдарга анаммыт «СВОи родные» быыстапкаҕа 20 тахса тыһыынча киһи сырытта.
Манна Дьокуускай куорат олохтоохторо, ыалдьыттара, куорат таһыттан, Хаҥаластан, Намтан, Мэҥэ Хаҥаластан, Тааттаттан, Сунтаартан, Ньурбаттан, Бүлүүттэн уо.д.а. улуустартан сылдьаллар.
Барыта 50-тан тахса эспэнээт баар. Байыаннайдар тэриллэрэ, оҕолор уруһуйдара, байыаннай дьайыы кыттыылаахтарын тус маллара бааллар. Быыстапка сорох чааһа байыаннай дьайыыга байыастарга көмөлөһөр, госпиталларга үлэлиир волонтердарга анаммыт. Эспэнээттэр ортолоругар байыаннай дьайыы кыттыылаахтара Анатолий Храмов уонна Василий Рожин кинигэлэрэ, байыаннай дьайыы зонатыттан хаартыскалар, байыаннай форма, наҕараадалара, байыастар маллара, ол иһигэр РФ Дьоруойа Дмитрий Егоров уонна кини доҕоро «Ронин» позывнойдаах Николай Романов маллара бааллар.
Элбэх эспэнээти байыастар бэйэлэрэ аҕалбыттар уонна дьоруойдар дьонноро биэрбиттэр. Ураты эспэнээттэр сорохторун Ем.Ярославскай түмэлэ биэрбит.
Кэллиэскэ уонна тиэхиньикумҥа үөрэнэр ыччаттарга бибилэтиэкэ үлэһиттэрэ патриотизм уруогар быыстапканы көрдөрөллөр. Художественнай училище устудьуоннара байыаннай дьайыыга сырдык тыыннарын толук уурбут дьоруойдар мэтириэттэрин уруһуйдаабыттар.
Ил Дархан Айсен Николаев этэринэн, патриотизмы аҕа көлүөнэни кытары тэҥҥэ, эдэрдэр эмиэ өрө туталлар.
Быыстапканы «Сердца солдатских матерей» АНО, СӨ култуура уонна духуобунай сайдыы министиэристибэтэ, национальнай бибилэтиэкэ тэрийбиттэр.
СӨ Ил Дарханын уонна Бырабыыталыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…