«СВОи родные» быыстапка иитинэн Национальнай бибилэтиэкэҕэ дойдуга бэриниилээх буолуу уруоктара салҕаналлар.
Бибилэтиэкэ 2023 сылтан «СВОи родные» быыстапканы тэрийэн ыытар. Бу кэм устатыгар быыстапкаҕа 30 тыһ.тахса киһи сылдьыбыта бэлиэтэнэр. Быыстапка сүрүн сыала — олохторун толук уурбут байыастары кэриэстээһин уонна Аҕа дойдуну көмүскээччилэргэ сүгүрүйүү бэлиэтэ.
Быйыл олунньу 28 күнүгэр «Время выбрало нас» диэн быыстапка түһүмэҕин үөрүүлээхтик аһыы буолбута. Быыстапка сыала-соруга — Аҕа дойдуну көмүскээччилэргэ сүгүрүйүү уонна олохторун толук уурбут байыастары кэриэстээһин, ону сэргэ, байыаннай дьайыы туһунан кэпсээһин», — диэн Национальнай бибилэтиэкэ бибилэтиэкэрэ Анна Павлова бэлиэтиир.
Быыстапкаҕа 50-тан тахса эспэнээт туруоруллубут. Олор ортолоругар — байыаннай дьайыы кыттыылаахтарын тус маллара-саллара, ол иһигэр Арассыыйа Дьоруойдарын Дмитрий Егоров («Сунтаар» позывнойдаах) уонна Николай Романов («Ронин» позывнойдаах) наҕараадалара, буойун-бэйиэттэр Василий Рожин, Анатолий Храмов кинигэлэрэ, бойобуой дьайыы сириттэн маллар-саллар бааллар. Эспэнээттэри байыастар бэйэлэрэ уонна кинилэр дьонноро аҕалан биэрбиттэр. Маны сэргэ, Ем.Ярославскай аатынан хотугу норуоттар историяларын уонна култуураларын холбоһуктаах судаарыстыбаннай түмэлэ эспэнээттэрэ бааллар.
Экспозицияҕа байыаннай дьайыы бэтэрээннэрин уонна байыастар дьиэ кэргэттэрин видеонан интервьюларын куар-кодунан киирэн көрүөххэ сөп. Быыстапкаҕа сылдьааччылар «Аҕа дойдуну көмүскээччилэр» пуонда филиала СИА кытта бииргэ оҥорбут «СВОя история» бырайыактарын көрөллөр.
Манна байыаннай дьайыыга сырдык тыыннара быстыбыт дьоруой байыастар мэтириэттэрэ бааллар. Бу П.П.Романов аатынан Дьокуускайдааҕы художественнай училище устудьуоннара уруһуйдаабыт мэтириэттэрэ буолаллар.
«СВОи родные» быыстапканы «Сердца солдатских матерей» кэммиэрчэскэйэ суох тэрилтэ, СӨ култууратын уонна духуобунай сайдыытын министиэристибэтэ уонна Национальнай бибилэтиэкэ тэрийбиттэр.
СӨ Ил Дарханын уонна Бырабыыталыстыбатын пресс-сулууспата
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…