СӨ Бырабыыталыстыбатын пресс-сулууспатын хаартыската
«Демография» национальнай бырайыак чэрчитинэн «Финансовая поддержка семей с детьми» диэн эрэгийиэннээҕи бырайыак үлэлиир. Бу бырайыак дьиэ кэргэттэр олорор усулуобуйаларын тупсаралларыгар туһуланар. 2023 сылга туһааннаах бырайыакка 4 млрд солкуобайтан тахса үп көрүллүбүт.
«Элбэх оҕолоох ыалларга оҥоһуллар эбии төлөбүрдэр дьиэ кэргэҥҥэ улахан көмөлөөхтөр. Демография бэлиитикэтэ сайдан, тупсан иһэрин киһи бэлиэтии көрөр. Өрөспүүбүлүкэбит уонна дойдубут салалтатыгар махталбын тиэрдэбин», — диэн этэр Святослав Софронеев.
Бэлиэтээн эттэххэ, 2019 сыллаахха СӨ аҕа баһылыга Айсен Николаев «О дополнительных мерах, направленных на поддержку рождаемости в РС(Я)» диэн ыйааҕа тахсыбыта. Бу ыйааҕынан олохтоох былаас элбэх оҕолоох дьиэ кэргэттэргэ 2019 cыл тохсунньу 1 күнүн кэнниттэн төрөөбүттэргэ өйөбүл эбии миэрэтин көрбүттэрэ. 14,9 тыһыынча дьиэ кэргэн харчынан көмөнү туһаммыттара. Ол курдук биир кэмнээх көмөнү бастакы оҕо төрөөһүнүгэр 1254 дьиэ кэргэн (уопсайа 54,4 мөлүйүөн солкуобай) бастакы зонаҕа 52 790 cолк., иккис зонаҕа 44 218,0 солк. көмөнү ылбыттара. Ону сэргэ бастакы оҕо төрөөтөҕүнэ малы-салы атыылаһарга анаан 915 киһиэхэ уопсайа 7,2 мөлүйүөн солк. көмө оҥоһуллубут. Маны таһынан э эрэгийиэннээҕи ийэ хапытаалын 977 киһи ылбыт.
Демография бэлиитикэтин боппуруостарын сыл ахсын ыытыллар Арассыыйатааҕы «Демографическое развитие Дальнего Востока и Арктики» диэн кэмпириэнсиэйэҕэ кэпсэтиэхтэрэ. Ахсыс төгүлүн ыытыллар кэмпириэнсийэ быйыл от ыйыгар Амурскай уобалас Благовещенскай куоратыгар ыытыллыаҕа. Манна эспиэртиир былаһааккаҕа федеральнай, эрэгийиэннээҕи былаас уорганнара, сайдыы институттарын бэрэстэбиитэллэрэ, уопсастыбаннас, наука эспиэртэрэ кыттыыны ылыахтара. Кэмпириэнсийэни тэрийээччилэринэн Уһук Илин уонна Арктика сайдыытын министиэристибэтэ, Уһук Илин уонна Арктика сайдыытын Корпорацията, Амурскай уобалас бырабыыталыстыбата буолуохтара.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…