Егор Карпов хаартыскаҕа түһэриитэ
Саха киһитэ этэ суох табыллыбат. Күн аайы да буолбатар, лапсалаах миини истэххинэ, күнү быһа сэниэлээх сылдьаҕын. Дьэ, куораппыт киин ырыынагар ынах этэ киилэтэ 800–1000 солк. Убаһа этэ 1500–2000 солк. Кыра биэнсийэлээх саха кырдьаҕас ыала хайдах да атыылаһар кыаҕа суох.
Оттон собо 300–400 солк. Күөх Боллох бэлэҕин амсайар киһи аҕыйаата. Тоҕо сыана үрдээтэ? Киин ырыынак дьиэтигэр атыылыыр түннүктэр күннээҕи төлөбүрдэрэ ыарыыр. Тыа сириттэн киирбит эттээх дьонтон ылан икки-үс бүк сыаналаан атыылыыллар. Ырыынак дьаһалтата тоҕо маны хонтуруоллаабатый?
Эт атыылыы кэлбит дьоҥҥо атыылыыр миэстэни сөбүгэр сыанаҕа мэлдьи турар гына дуогабардаһара сөп. Бэйэбит эппит бас быстар сыаналаах буоларын бобуохха. Сыананы Бырабыыталыстыба, Ил Түмэҥҥэ үлэлиир норуот дьокутаат-
тара бэрээдэктиир кэмнэрэ кэлбэтэ дуо?
Саас бастакы паром сылдьыар диэри Хачыкаакка туоратар кыра паромнар 3 тыһыынчаттан 10 тыһ. диэри кыра массыынаны туораталлар. 20 мүнүүтэнэн туоруурга сыана буолбатах дуо?
Аны Аллараа Бэстээххэ мууһунан суол арыллыар диэри биир кыһалҕа. Дьон көлдьүргээн айаннаабат. Онон көмөлөһөр оннугар кыһалҕанан кыһарыйан харчы оҥороллор. Мууһунан сүүрдэр салгын суудуналара, бэл, малы 2 тыһ. солк. туората сырыттылар. Тоҕо полиция, сыана хонтуруола маны бэрэбиэркэлээбэтий?
Хайдах да олох буоллар, сыана үрдээтэ дии-дии бас-баттах барыыны тохтотуохха. Норуот дьокутааттара ырыынакка сылдьыҥ эрэ. Кырдьаҕас дьоҥҥо кыһаллыҥ.
Андрей Варламов.
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…