Хаартыска - Прасковья Аммосова тиксэриитэ.
Бу күннэргэ Өймөкөөн улууһугар быйыл сайын оҕо сынньалаҥын уонна доруобуйатын бөҕөргөтүүтүн хааччыйыыга туһуламмыт үлэни тэрийиигэ улуустааҕы биэдэмистибэлэр икки ардыларынааҕы хамыыһыйа киэҥ ыҥырыылаах сүбэ мунньаҕа ыытылынна.
Мунньаҕы муниципальнай оройуон дьаһалтатын баһылыгын социальнай боппуруостарга солбуйааччы, сайыҥҥы кэмҥэ оҕо сынньалаҥын уонна доруобуйатын бөҕөргөтүүтүн хааччыйар улуустааҕы биэдимистибэлэр икки ардыларынааҕы хамыыһыйатын бэрэссэдээтэлин солбуйааччы Прасковья Аммосова салайан ыытта. Мунньахха Өймөкөөн оройуонугар профилактиканы ыытар уонна оҕо сайыҥҥы сынньалаҥын тэрийиигэ эппиэттээх тэрилтэлэр салайааччылара уонна бэрэстэбиитэллэрэ оскуолаларга уонна доруобуйаны бөҕөргөтөр лааҕырдарга оҕо сынньалаҥын тэрийии, тыа сиригэр үлэ-сынньалаҥ лааҕырдарын үлэлэтии боппуруостарын ырыттылар.
Саамай тэнийбит сынньалаҥ көрүҥүнэн күнүскү лааҕыр уонна үлэ-сынньалаҥ лааҕырдара буолаллар. Улуус хас биирдии оскуолатыгар 8 күнүскү лааҕыр уонна үс оскуолаҕа 3 үлэ уонна сынньалаҥ лааҕыра тэриллиэхтэрэ. Быйыл хонтуруоллуур уонна быраабыла тутуһуутун ирдиир үлэ ыытыллыыта кэмигэр түмүктэннэҕинэ, Өймөкөөн оройуонугар 2025 сыллааҕы оҕо тэрээһиннээх сайыҥҥы сынньалаҥын: күнүскү лааҕыр – бэс ыйын 5 күнүттэн, үлэ уонна сынньалаҥ лааҕыра — бэс ыйын 16 күнүттэн саҕалыахтара.
Төгүрүк сылы үлэлиир санаторийдарга сынньалаҥ уонна доруобуйаны бөҕөргөтүү өссө биир көрүҥүнэн өрөспүүбүлүкэ таһыгар сынньаныы буолар. СӨ Үөрэҕин уонна наукатын министиэристибэтэ Өймөкөөн улууһун оҕолоругар үс путевканы Приморскай кыраай санаторийдарыгар анаата. Итинтэн икки миэстэ — анал байыаннай дьайыыга сылдьар дьон оҕолоругар.
Мунньах түмүгүнэн, хамыыһыйа чилиэннэрэ оҕо доруобуйатын бөҕөргөтөр лааҕырдар тэрээһиннээхтик аһыллыыларын бэлэмнээһиҥҥэ кэккэ быһаарыы ылыннылар.
Анал байыаннай дьайыыга ирдэнэр табаары оҥорооччулары өйүүргэ тэриллибит “Патриотическай” ТОР үлэтин көдьүүһүн үрдэтиини РФ Бырабыыталыстыбатын…
Дьокуускайга «LETO YAKUTIA» аныгы муусука бэстибээлэ ыытыллыаҕа. Ыам ыйын 29 уонна 30 күннэригэр Комсомольскай болуоссакка…
Ньурба улууһугар улуус урбаанньыттарын сүрүннүүр Сэбиэтэ дьоҕус уонна аччыгый урбаан бэрэстэбиитэллэрин кытта көрүстэ. Олохтоох бэйэни…
Ыам ыйын 28 күнүгэр Кыайыы пааркатыгар оскуола иннинээҕи тэрилтэлэрин иитиллээччилэрин ортолоругар оҕо параада буолан ааста.…
РФ Бырабыыталыстыбатын бэрэссэдээтэлин солбуйааччы - РФ Бэрэсидьиэнин Уһук Илиҥҥэ боломуочуйалаах бэрэстиибэтэлэ Юрий Трутнев салалтатынан Уһук…
Нам улууһугар оҕо сайыҥҥы сынньалаҥын тэрийии былааннаахтык барар. Онуоха ураты болҕомто суукканы эргиччи үлэлиир лааҕырдарга …