СҮБЭҺИТ: Атах күүскэ ууланар, сыттанар буоллаҕына…

Гипергидроз (күүстээх көлөһүн тахсыыта) кыһалҕата  ыарыылаах киһиэхэ эрэ буолбакка, кини тулалыыр дьонугар эмиэ дьайар. Ол да буоллар, күүстээх көлөһүннэрии мэдиссиинэҕэ номнуо үөрэтиллибитэ, онон бүгүн ити кыһалҕаны быһаарар хас да ньыма баар. Бүгүн биһиги атах көлөһүннэрэр уонна сыттанар буоллаҕына тугу гыныахха сөбүн уонна бу кыһалҕа киһиэхэ тоҕо үөскүүрүн туһунан кэпсиэхпит.

Атах күүскэ көлөһүннэрэр туругун гипергидроз диэн ааттыыллар. Сыт үөскүүрүгэр көлөһүннэрэр кэмҥэ бактериялар үөскүүллэр уонна ууһаан тэнийэллэригэр наскыга уонна атах таҥаһыгар саамай табыгастаах эйгэни таһаараллар. Көлөһүннэрбит атахтан тахсар куһаҕан сыт – бактерия үөкээһинэ.

Атах күүскэ көлөһүннэрэрин төрүөттэрэ үксүн манныктар:

• Эндокриннай былчархайдар үлэлэрэ кэһиллиитэ. Инсулин таһыма үрдүүрүттэн көлөһүн тахсыыта күүһүрэр.
• Сыстыганнаах ыарыылар. Холобур, сэллик (туберкулез), кириип (грипп) уо.д.а. Бу ыарыылар эт-хаан температурата үрдүүрүгэр тириэрдэллэр, онтон сиэттэрэн – көлөһүн күүскэ тахсар.
• Эт-сиин ситэр кэмэ (пубертат). Бу кэмҥэ уолаттар уонна кыргыттар организмнара уларыйар, ол гормональнай кэһиллиилэринэн доҕуһуолланар. Түмүгэр көлөһүн тахсыыта күүһүрэр, ол үксүнэн эт-сиин ситиитин кэмэ бүтүүтэ ааһар.
• Истириэс. Истириэстээх, ыксаллаах түгэннэр көлөһүнү күүскэ таһаараллар.
• Неврологическай ыарыылар. Симпатическай ньиэрбэ систиэмэтэ наһаа күүскэ көбөрүттэн атах уонна эт-хаан атын чаастара күүскэ көлөһүннэрэрллэр.
• Эмтэр. Күүстээх көлөһүннэрии сорох эмп  дьайыыларыттан тахсар.

Бүгүҥҥү күҥҥэ атах сытыттан босхолонор икки сүрүн ньыма баар:

1. Симпатэктомия. Бу уустук тыл анныгар хирургическай эпэрээссийэ аата саһар. Эпэрээссийэ кэмигэр симпатическай ньиэрбэ умнаһын сорҕотун  быһан ылаллар. Ол түмүгэр көлөһүн былчархайдарыгар мэйииттэн сигнаал кэлбэт буолар.

2. Ботокс укуола. Бу процедура ньыматын сүрүнэ – ньиэрбэ былчархайдарыгар барар сигнааллары бүөлээһиҥҥэ олоҕурар. Бастатан туран, бырааска сылдьан консультация ылыахха наада. Онно эһиги тоҕо атаххыт көлөһүннэрэрин уонна сыттанарын билиэххит. Ону таһынан, исписэлиистэн ыйытыаххытын сөп.