СҮБЭҺИТ: атах таҥаһын сытын хайдах сүтэриэххэ?

Сэбиэскэй кэм саҕаттан биллэр ньыма: атах таҥаһыгар, бачыыҥка иһигэр аптекаҕа атыыланар борнай кислотаны табыгынаталлар. Түүн туруораҕын, ол кэнниттэн тэбээн баран кэтиэххэ сөп. 

Борнай кислотаны аптекаттан ылыҥ. Оттон агрономнар туттар борнай кислоталара күүстээх, киһи атаҕын тириитин быһа сиэн кэбиһиэн сөп.

Атах таҥаһын сууйан-сотон баран, баата шарикка эфирнэй арыыны биһэн угуҥ, хонноруҥ.

Бу ньымалар көмөлөспөт буоллахтарына, суоданы уонна кукуруза крахмалын тэҥ өлүүскэлэрин булкуйан баран, эфирнэй арыыта таммалатыҥ уонна булкуйбут бороһуоккутун икки хлопок наскыга уган, эрийэн баран, атах таҥаһын иһигэр хонноруҥ. Суукка устата туруорар өссө ордук.

Аһаҕас атах таҥаһын полиэтиленовай бакыат иһигэр суода кутан баран салгын киирбэт гына баайыҥ уонна эмиэ суукка кэриҥэ туруоруҥ.

Саха ыалын халандаарыттан, 2025 с.