СҮБЭҺИТ: Баклажантан алаадьы астыыбыт…

Дьиэ кэргэҥҥитин баклажантан оҥоһуллар ураты бүлүүдэнэн күндүлээҥ. Баклажан оҕуруот аһыттан оҥоһуллар алаадьы сүрүн ингридиеннэрэ – теркаламмыт баклажан уонна эриэппэ луук.

Эһиэхэ наада буолуоҕа: баклажан – 500 г, эриэппэ луук – 190 г, сымыыт – 1 уст., бурдук – 140-170 г., туус, хара биэрэс – амтанын көрөн, мас арыыта – 2 ост. нь., күөх луук  – 1 умнас.

Ингредиеннэри бэлэмнээн. Алаадьы астыырга аһыы амтана суох баклажан суортарын талыҥ. Баклажаны уонна эриэппэ луугу ыраастааҥ. Луугу кыра, оттон баклажаны улахан гына теркалааҥ. Баклажан иһэ хараарбатын диэн, бытарытыллыбыт оҕуруот аһын иһиккэ тутатына булкуйуҥ. Сымыыты кутуҥ. Өссө төгүл барытын үчүгэйдик булкуйуҥ.

Салгыы бурдугу кутан булкуйуҥ. Амтанын көрөн кыратык туус уонна мэлиллибит хара биэрэс кутуҥ. Өссө төгүл үчүгэйдик булкуйуҥ. Тиэстэ хойуутун сыаналааҥ – хойуу сүөгэйгэ майгынныахтаах. Тиэстэ убаҕас буоллаҕына, өссө 1-2 ост. нь. бурдугу эбиҥ. Онтон алаадьыны атын өттүгэр эргитэн, саһархай өҥнөнүөр диэри өссө 2-2,5 мүн. устата ыһаарылааҥ. Ыһаарылаан бүтэрдэххитинэ, алаадьылары кумааҕы салпыаккаҕа ууруҥ, онтон остуолга ууруҥ. Алаадьыны кытта чосунуоктаах уонна күөх оттоох сүөгэйи, томат соуһу ууруохха сөп.

Минньигэстик аһааҥ!