СҮБЭҺИТ: Битэмииннэх утахтар

Битэмииннэх утах — тумууну, кирииби сэрэтиигэ күүстээх «көмөлөһөөччү». Утах сүрүн кистэлэҥэ битэмиинэ уонна антиоксидана дэлэйигэр сытар. Бу утахтары мэлдьи оҥостон иһэр наадалаах, оччотугар иммунитет күүһүрэр, вирустан харыстыыр. Сүрүнэ диэн утаҕы сибиэһэйдии оҥостон иһэр туһалаах.

Дөлүһүөн уонна сарбынньах. Дөлүһүөн уонна сарбынньах отонуттан олус минньигэс утах оҥоһуллар. Ырысыаба: Отону ньыһыйабыт, 1 лиитэрэ уу кутабыт уонна 10 мүн. оргутабыт. Ол кэннэ хаппахтыыбыт, бүрүйэбит уонна сойута уурабыт. Аҕыйах чаас кэннэ сиидэлээн баран иһэбит.

Сарбынньах отоно, биэ эмиийин уонна хаптаҕас сэбирдэҕэ.

Сарбынньах отонуттан, биэ эмиийин уонна хаптаҕас хатарыллыбыт сэбирдэхтэриттэн доруобуйаҕа туһалаах утах оҥоһуллар. Бу сыалга, бастатан туран, эрдэтинэ  биэ эмиийин уонна хаптаҕас сэбирдэхтэрин хатаран хааһанар наада. Эспиэрдэр сүбэлэринэн ырысыаба: сарбынньах отоно — 300 г, эбэтэр атын отоннор – 50-нуу г. Отону итии ууга кутабыт, мүөт кутабыт, барытын булкуйабыт уонна сылаастыы иһэбит.

Имбиир, лимон, мүөт. Кэнники сылларга имбиири хаһаайкалар аска-үөлгэ, араас утахха тума курдук хото тутталлар. Ырысыаба: 1 ч.нь.мүөт, 1 ч. нь.лимон уута, имбиир наада. Биир ыстакаан итии ууга мүөт, лимон уутун уонна теркаламмыт имбиир кутабыт.

Хаптаҕас, биэ эмиийэ. Ырысыаба: сибиэһэйдии тоҥоруллубут хаптаҕас отонун, биэ эмиийин уонна мүөтү бэлэмниибит. Итии ууга отоннору кутан булкуйабыт уонна термоска кутан уурабыт. Ол кэннэ мүөтү утахха эбэн кыралаан иһэбит.