СҮБЭҺИТ: Бырдах, оҥоойу, күлүмэн — көмүскэнэргэ биир туһалаах ньыма

Быйыл дойду үгүс эрэгийиэнигэр олохтоохтор үөн-көйүүр ахсаана биллэ элбээбитин бэлиэтииллэр. Саха сирэ эмиэ онтон хаалсыбат.

Урут үгэс курдук, аан бастаан бырдах, онтон оҥоойу, кэнники күлүмэн көстөр буоллаҕына, быйылгы дьылга кинилэр бары бииргэ кэриэтэ саба түстүлэр.

Бу үөнтэн-көйүүртэн барыларыттан көмүскэнэргэ норуот биир туһалаах ньымата баар. Оҥорорго олус судургу. Туһалаах булкадыһык 2,5 чаас устата киһини көмүскүүр — кэмиттэн-кэмигэр сотто эрэ сылдьыахха наада. Бу ырысыабы «О Фазенде. Загородная жизнь» ТГ-ханаалга үллэһиннилэр.

Эһиэхэ наада буолуоҕа: 100 мл оҕо кириэмэ, 1 паачка ванилин, 5 хааппыла гвоздика арыыта, 1 кыра ньуоска дьаабылака уксууһа уонна 1-2 хааппыла нашатыыр испиирэ. Ол үөнү-көйүүрү үргүтэр күүһүн өссө эбиэҕэ. Барытын таас бааҥкаҕа булкуйабыт уонна кыратык испиир таммалатабыт. Куттанымаҥ, сыта мүнүүтэ иһинэн сүтэр.

Бэлэм булкадаһыгы 5 күн устата халадьыылыныкка туруора түһэбит. Ол кэннэ туһаныахха сөп буолар.

Бу «коктейль» бырдаҕы эрэ буолбакка, оҥоойуну, күлүмэни кытта үргүтэр. Соттон баран, хас 2,5 чаас аайы саҥардан биэриэххэ наада.

Булкадаһык кистэлэҥэ туохханый? Саастаабыгар киирэр бары ингредиеннэр үөнтэн-көйүүртэн чопчу харыстыыллар.