СҮБЭҺИТ: Чосунуок сытын суох оҥоробут, кыптыыйы сытыылыыбыт…

Сиэбит эриэппэ луук эбэтэр чосунуок сытыттан хайдах босхолонуохха, ону таһынан кыптыыйы хайдах сытыылыахха сөбүй?

Кыптыыйы сытыылыыр инниттэн, наждачнай кумааҕыны хаста да кыптыыйынан бысталааҥ (төһөнөн элбэх да, соччонон үчүгэй). Ол кэннэ фольганы кырыйабыт.

Соторутааҕыта сиэбит эриэппэ луук эбэтэр чосуонук сытыттан босхолонорго, лимон өлүүскэтин, петрушка эбэтэр укроп лабаатын ыстааҥ. Айаҕы суодалаах уунан сайҕаныы — чосунуок сытын суох оҥорор уонна тыыны сэргэхситэр көдьүүстээх ньыма.

Туалет салгынын ыраастыырга испиискэни туһаныахха сөп: куһаҕан сыт баар сиригэр испиискэни уматыҥ, умайан бүтүөр диэри тутуҥ уонна умуруоруҥ.

Атах таҥаһын угар суумка куһаҕан сытыттан босхолонорго, иһигэр хас да чэй пакетигын угабыт.