СҮБЭҺИТ: Дьаабылакалаах уулаах отон хомпуота

Былыр-былыргыттан тыаҕа хомуллубут уулаах отон  эмтэниигэ да, аска-үөлгэ да дьиэҕэ ураты көмөлөһөөччүнэн ааҕыллар. Бу уулаах отон битэмиининэн, кислотанан уонна саахарынан баай. Бүгүҥҥү судургу ырысыаптарынан отонтон ураты хомпуоту уонна отону кытта мүөттээх барыанньаны сибиэһэйдии бэлэмнээн көрүҥ. Уулаах отон састаабыгар микробтары утары дьайар бензойнай кислота баар, ол иһин буһарбакка эрэ харайыахха сөп.

Дьаабылакалаах уулаах отон хомпуота

• 1,5 кг дьаабылака;
• 500 г сиппит уулаах отон;
• 1 лимон;
• 1 лиитирэ уу;
• 300-400 г  саахар.

Бааҥка түгэҕэр 2-3 өлүү лимону угуҥ, онтон үрдүгэр бысталаммыт дьаабылаканы уулаах отону кытта угуҥ. Саамай үрдүгэр өссө икки өлүү лимону ууруҥ. Ууну саахары кытта оргутуҥ. Бу сиробу эрдэттэн пастеризацияламмыт бааҥкаларга кутан, хаппаҕынан сабан кэбиһиҥ.

Мүөттээх уулаах отон

• 1 кг уулаах отон;
• 500 г мүөт;
• кыра тоорохой корица;
• 3 устуука гвоздика;
• 1 лимон цедрата.

Бэлэмнэммит уулаах отону барыанньа буһарар иһиккэ уган, үрдүгэр мүөтү кутуҥ, корицаны, гвоздиканы, цедраны уган баран кыра уокка 15-20 мүнүүтэ оргутуҥ. Барыанньаны таас бааҥкаларга кутуҥ, оттон сойдоҕуна пергамент кумааҕынан сабан баайыҥ. Маннык оҥоһуллубут  уулаах отону хаппаҕынан саппакка, сөрүүн сиргэ ууран харайыахха сөп.