Хаартыска: Шедеврум
Күһүҥҥү тэллэйи харайарга өссө биир ураты ньыма баар. Ол курдук, сибиэһэй тэллэйи духуопкаҕа хатарыахха сөп. Бу олус судургу уонна табыгастаах ньыма.
Тэллэйи сууйумаҥ! Бу саамай сүрүнэ. Тэллэйи уунан сууйдаахха, ууну иҥэринэр, онтон сылтаан үчүгэйдик хаппат, буһар уонна буорту буолуон сөп. Бастаан сэбирдэҕин илиинэн ылҕаан баран, ол кэннэ тиис суунар щетканан сэрэнэн буорун ыраастааҥ.
Чиэрбэлээх, эргэрбит тэллэйдэри быраҕыҥ. Хатарыыга чэгиэн, кытаанах эрэ тэллэйдэр барсаллар.
Ыраастаммыт тэллэйдэри биир тэҥ гына кырбааҥ (быһа холоон 5 мм халыҥнаах гына). Оччоҕо бары биир тэҥник хатыахтара. Отой кыра тэллэйдэри бүтүннүүтүнэн хаалларыахха сөп. Духуопка лииһигэр пергамент кумааҕыны тэлгээҥ. Кырбаммыт тэллэйдэри биир эрээтинэн, бэйэ-бэйэлэригэр сыстыспат гына наардаан уурталааҥ. Духуопканы 45-50 кыраадыска диэри эрэ ититэн баран, тэллэйи хатара угуҥ. Наһаа итиигэ уктахха, тэллэй буһан хаалыа.
Саамай сүрүн кистэлэҥэ — духуопка аанын арыый аһаҕас хаалларыҥ (5-10 см кэриҥэ). Оччоҕо иһиттэн сиигэ көтөн, тэллэй буспакка, куурар-хатар. Биир-икки чаас буолан баран, тэллэйдэр үрдүлэрэ куурбутун кэннэ, температураны 70-80 кыраадыска диэри үрдэтиэххэ сөп. Кэмиттэн кэмигэр эргитэ сылдьыҥ, тэллэйдэри булкуйан биэриҥ, оччоҕо бары тэҥҥэ хатыахтара. Хатарыы уопсай бириэмэтэ 4-8 чаас буолуон сөп (тэллэй кээмэйиттэн уонна халыҥыттан тутулуктаах).
Тэллэй хаппытын хайдах билиэххэ сөбүй? Үчүгэйдик хаппыт тэллэй чэпчээн, кытаатан хаалар. Тоһутан көрдөххө, чэпчэкитик тостор, ол гынан баран бороһуок курдук үлтүрүйбэт.
Буспут тэллэйи таһааран, хос температуратыгар сойутуҥ. Итиитинэн бааҥкаҕа уктаахха, сиигирэн, үөннэнэн хаалыан сөп. Сойбутун кэннэ ыга сабыллар таас бааҥкаларга, таҥас мөһөөччүктэргэ уган, хараҥа, кураанах сиргэ ууруҥ. Кыһын минньигэс тэллэйдээх миини буһарыыга туһаныҥ!
Минньигэстик аһааҥ!
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…
Бүгүн, ахсынньы 10 күнүгэр, Саха сирин сорох улуустарыгар -49 кыраадыс буолара күүтүллэр диэн УГМС иһитиннэрэр.…
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…