Сүбэһит: Хаан баттааһына үрдүк буоллаҕына тугу гынабыт?

Кэлиҥҥи кэмҥэ магнитнай буурҕалар сотору-сотору хатыланар буоланнар, ордук аҕам саастаах дьон дабылыанньаларынан сытан да хаалар түгэннэрэ элбэх.

Намыһах дабылыанньаны таһаарар арыый судургу. Оттон дабылыанньа тахсар буоллаҕына хайдах түһэрэбит? Бэйэбитин хайдах харыстанабыт? Туохтан аккаастанан доруобуйабытын тупсарабыт?

Сыл ахсын аан дойду үрдүнэн гипертонияттан 9 мөлүйүөн киһи өлөр.  Үрдүк дабылыанньа инсульт ыарыытын сэттэ төгүл, оттон инфаркт ыарыыны түөрт төгүл үрдэтэр. Санкт-Петербург куорат бырааһа В.В.Климова сүбэлииринэн, үрдүк дабылыанньаны таҕыстаҕына эрэ буолбакка, эрдэттэн эмтии сылдьыллыахтаах эбит. Артериальнай дабылыанньа 140/90 мм үөһээ буолла да гипертониялаах диэн бэлиэтииллэр быраастар. Дабылыанньа үрдээһинин сүрүн биричиинэтинэн бүөр ыарыыта, гормон кэһиллиитэ буолуон сөп. Онон дабылыанньа таҕыста да тута түһэрэ охсорго ыксаамаҥ. Хас да чаас устата түспэт буоллаҕына, быраас көмөтө суох түһэрэр уустук. Ол туһуттан үрдүк дабылыанньалаах киһи туспа диетаны тутуһуохтаах. Ол курдук эрдэттэн эмтээһин диэҥҥэ аһы-үөлү туттунуу, чөл олоҕу тутуһуу буоларын кини этэр. Туохтан аккаастанабыт?

-Туустаах аһы аччатыҥ;

-Минньигэһи, саахардааҕы, аһары элбэх бурдук аһы сииртэн туттунуҥ;

-Арыылааҕы-сыалааҕы сиири тохтотуҥ. Балар эти-сиини киртитэллэр;

-Табахтан, арыгыттан аккаастаныҥ;

— Истириэстэн босхолонуҥ, күүрүмэҥ;

— Күүрбэккэ эрэ успуордунан дьарыктаныахха сөп. Хаамыы, харбааһын, йога;

-Элбэхтэ салгыҥҥа сылдьыҥ.