Сүбэһит: хаһаайкаҕа туһалаах сүбэлэр

Куукунаҕа буһара турар аһыҥ сыта наһаа тарҕамматын туһугар итии билиитэҕэ кымаах тууһу таммалатыҥ.

• Оттон тиэрмэс иһигэр үөскээбит сыты уксуустаах уунан сайҕаан сүтэриэххэ сөп.
• Тимир хоппоҕо үөскээбит сыты суох оҥорорго хоппо иһигэр хас да испиискэни уматыахха  наада.
• Быһахха иҥмит луук сытын мас арыытынан сотон сүтэриэххэ сөп.
• Балык, тууһаммыт хаппыыста эбэтэр чеснок сытын  сүтэрэргэ уксуустаах уу көмөлөһүө. Балык сыта итии туустаах уунан сууйдахха эмиэ сүтэр.
• Холодильник сытын суох оҥорорго долбуурдарыгар хас да сиргэ хара килиэп тооромоһун эбэтэр лимон хаҕын ууруохха сөп.

Саха ыалын халандаарыттан, 2013 с.

«Айар» кинигэ кыһата.